شلاليت

أهلا وسهلا جماعتنا
ياللي إنت مانتيش محظورة
شهر العسل قرب يخلص
وحتبقي مانتيش في الصورة
زعابيب كتير وكلام في كلام
والناس في زنقة ومعذورة
ماشفنا فيه خطوة لقدام
غير صوت زعيم المقصورة
علي المنصة في شخطة تمام
د لايحه ماهش فزورة
نعم ياسيدي.. أقعدي يامدام
الدور ماجاش ع المنصورة
الكلمة هنا بالدور ونظام
مش هيصة أو ماتش وكورة
ماشبعنا من دا ياعم إمام
الناس بتفهم مش عورة
لا أكل عيش.. ولا نوم بنام
وأنتو في صراع مع كمبورة
حتخدوا كام وتسيبم كام
ورأيكم لأ.. مش شورة
ما كل شيء انكشفن.. وبان
يامهلبية ياأسطورة
وكل يوم في صراع وخصام
مع اسمه إيه.. أبو دبورة