بالصور.. «تحب تقول إيه لشهر فبراير».. غادة: «متجيش تاني».. هالة: «ارحم اللي خلفونا».. أحمد: «مقبضناش لحد دلوقتي».. ميدو: «عمل معانا الصح».. أسماء: «شهر الكوارث».. بشر: «استنى عندي امتحان في مارس»

تزامنًا مع نهاية شهر فبراير، دشن نشطاء موقع التواصل الاجتماعى «تويتر»، هاشتاجا يحمل عنوان «تحب تقول إيه لشهر فبراير»، تصدر أكثر الموضوعات تداولًا عبر الموقع، بسبب إحساس البعض بأنه يعد أطول الشهور رغم قصر عدد أيامه ومن جانبها رصدت «فيتو» أبز التعليقات..
غادة: «متجيش عندنا تاني».
بوس بوس: «مشوفش وشك تاني.. يا بخت من زار وخفف وانت بصراحه قومت معانا بالواجب شهر الحداد العالمي».
رحمة سعيد: «اشوفك السنة الجاية».
أحمد عاطف: «مقبضتش لحد دلوقتى».
إسلام محمد: «احب اقولك انت زيك زي أي شهر كله شبه بعضه الفرق إنك أقصرهم».
أحمد أدهم: «انت صغير بس جبار».
محمد حمدى: «روح ياشيخ وماتجيش تانى».
أسماء: « ده فقراير مش فبراير المفروض يغيروا اسمه وقال إيه شهر الحب، ده شهر الكوارث».
زوكا: «قرر شهر فبراير تنحيه عن منصب الشهور وتولية شهر مارس شئون المصايب والله الموفق والمستعان».
ميدو الصخرة: « ناقص ظهور المسيخ الدجال ويبقى فبراير عمل معانا الصح».
هالة صفوت: «ارحم اللي خلفونا».
صابر: «جبتلى الكلام عشان اتولدت في فبراير».
منى فتحى: «ما له فبراير؟ على فكرة اعتبروه بيحس، أكيد دلوقتي مجروح وكلامكوا حازز في نفسيته...إنت جميل يا بني متزعلش».
كريم: «يوضع سره في أضعف خلقه.. 28 يوم آه بس بالسنة كلها أبوس إيد أهلك كفاية».
ميكانيكى بشر: «استني والنبي عندي امتحانات في مارس».
سلمى: «أنا مهما اشتكي منك مقدرش استغني عنك بصوت آمال ماهر دا الشهر اللى اتولدت فيه بردوا يا جماعة».
عبير: «زى ما تكون حالف ما تعدى إلا أما تنكد عليا».
إيمى: «مهما قالوا عنك وشتموا فيك هفضل أحبك كفاية إن فيك عيد ميلادي».