جرب تسيب الدنيا

نفسي تاخدني في حضنك.... وتداريني
............وزي الطفل.... تداديني
مش عايزة أسمع صوتك غير وانت بتغنيلي
تكون لي أبويا وأخويا وحبيبي ونور عيني
ولما الليل يليل تيجي تطمن عليا
تيجي تحلم معايا في حضني وبين إيديا
أديك حبي وحناني شوية شوية
عايزاك تخبيني من كل الناس
وأعيش في حضنك وبس
اللي جوايا ليك مش كلام وخلاص
اللي جوايا ليك يتحس
هديك حب أكتر ما تتخيل!!
هتعيش العمر تكبر وف عيني صغير!!
هعيش جوه حضنك ولا يوم حبي هيتغير
جرب وسيب الدنيا تعالى في حضني ونام
صدقني هعوضك عن كل أيام زمان
وقبل ما تنام ضمني وقوللي روايات
وخلّي حكايتنا من أجمل الحكايات
نفسي تاخدني في حضنك.... وتداريني
وتبوسني بشفايفك وزي الطفل.... تداديني.