مرسى متقدم فى وجه بحرى.. صباحي متقدم فى القاهرة.. خالد على متقدم لبنت خالته.. موسى متقدم فى السن.. شفيق متقدم فيه بلاغ سرقة جزمة

بعد ظهور النتائج النهائية للمرحلة الأولي من الانتخابات الرئاسية خرجت العديد من التعليقات تسخر منها, وإليكم التفاصيل:
نوارة نجم: الحمد لله ان فيه استبن كان زماننا على الجنط .. لو شفيق كسب.. متقوليش ثورة تانى .. عشان كده مشكلتك مش ف النظام مشكلتك ف الشعب.
سمير مرسي: طيب مبارك كان بيزور ليه؟!! ما الشعب حلو وزي الفل أهو !!
احمد الصباغ: أرجو عدم ترويج الإشاعات .. الأخبار المؤكدة حتى الآن أن أحمد شفيق أكد أنه سيدعم محمد مرسى فى الإعادة.
شمعي اسعد : مفيش فايدة..المسيحيين يدعموا شفيق او عمرو موسى يبقوا غلط وفلول ..المسيحيين يدعموا حمدين يبقى حمدين نصير المسيحيين وبلاش تنتخبوه..المسيحيين يقاطعوا خالص يبقوا مرميين جوه الكنيسة ومخاصمين المجتمع طب اقتراحاتكم تحبوا نعمل فى المسيحيين إيه؟
ماجد علام: مؤشرات مؤكدة .. صباحى متقدم فى القاهرة ووجه قبلى ، وأبو الفتوح متقدم في اسكندرية ووجه بحرى ، وخالد علي متقدم لبنت خالته ، وموسى متقدم فى السن ، وشفيق متقدم فيه بلاغ انه سرق جزمة اللى ضربه ..
كما جاء على صفحة «افتكاسات مصرى ام الاجنبى»..ياخونّا ياخونّا.. احنا بتوع الافتكاسات, احنا بتوع الافتكاسات, وده حال الأدمن بعد النتيجة, وعلى فكرع الاكونت بتاعنا كان متهكر عليه وعمرنا ما جبنا سيرة الفريق احمد شفيق رئيسنا ولا جزمه إلا بالخير , طويل العمر يطول عمره وينصره على مين يعاديه :
حامد عادل : عبد المنعم الشحات : مش قولت لكم الديموقراطية حراااااااام؟
محمد العاصي: تعليقا على إدراج أسماء الأموات بقاعدة بيانات من لهم حق التصويت .. ائتلاف شباب الموتى يعلن تأييده للفريق شفيق.
سلمى عبد الماجد: يا جماعة محدش يعرف مواعيد انتخابات المتوفين علشان عايز أبلغ جدى الله يرحمه علشان ميضيعش عليه التصويت .. ويا ريت كمان اعرف مكان اللجان الخاصة بيهم فين؟