بالصور.. وقفة للعاملين بمشروع توزيع الخبز أمام ديوان محافظة البحيرة

نظم المئات من العاملين بمشروع توزيع الخبز بمحافظة البحيرة، وقفة احتجاجية أمام مبني ديوان عام المحافظة، بعد تهديدهم بالفصل من عملهم، بعد تطبيق منظومة الخبز الجديد، وإلغاء مشروع توزيع الخبز بالمحافظة.
وأكد المحتجون أن محافظ البحيرة، اللواء مصطفى هدهود، طالبهم بتجميع 250 بطاقة من المشتركين، كي يستمروا في عملهم بالمشروع، وإلا سيتم فسخ تعاقدهم، مطالبين بحفظ حقوقهم وتثبيتهم منعا لتشردهم.
ردد المشاركون الهتافات (ياتموتونا يا تثبتونا، الصحافة فين الغلابة أهم، قاعد انت ف التكييف وانا قدامك ع الرصيف، احنا بتوع العيش مش عارفين نعيش، ازاى بتقولى بح مفيش وانا مندوب توزيع العيش، أيام الثورة وقفت معاك وشفت المر وقولت فداك، انا لازم اكمل مهما يكون جاى دلوات العهد تخون، يا هدهود مش دايمالك واحد غيرك يملي مكانك، انا عايز اتثبت عايز اعيش انا مندوب توزيع العيش، كل يومين بتقولي كلام عايز تطلع ف الإعلام، الوزير قالك ثبتهم وانت تقول روحوا على بيتكم).
كما رفعوا اللافتات المدون عليها "وقفتنا سلمية لحين تنفيذ مطالبنا بالتثبيت، واحد اتنين نودي عيالنا فين، أين العدل يا سيادة الرئيس، ارحمونا كفاية ظلم، إحنا بتوع العيش مش عارفين نعيش، أنقذنا يا ريس من الضياع، بنحبك يا مصر".
ومن جانبه أكد المحافظ في تصريحات خاصة ل"فيتو" أنه عقد لقاءات مع مندوبي الخبز وطمأنهم على الاستمرار في أعمالهم، شريطة جمع كل عامل منهم 250 اشتراكا من الأهالي، وسوف يقوم بتسليمه ماكينة صرف خبز حتى يستمر في عمله، مشيرا إلى أنه بالفعل قام العديد منهم بجمع الاشتراكات من الأهالي الراغبين في توصيل الخبز إلى منازلهم، وطالب باقي العاملين بجمع الاشتراكات لأنه حريص على مصالحهم وعدم قطع أرزاقهم.
يذكر أن محافظة البحيرة تشهد حالة فوضى في تطبيق منظومة الخبز الجديدة، بدءا من يوم الأحد الماضي؛ نظرا لعودة ظاهرة الطوابير أمام المخابز، وانتهاء حصص الدقيق، وكثرة الوقفات الاحتجاجية للعاملين بتوزيع الخبز بالعديد من المراكز.