السبكى ل«الإبراشى»: إنت مش لاقي حاجة تكلم فيها سيب السينما في حالها

هاجم المنتج محمد السبكى، الإعلامي وائل الإبراشى، مقدم برنامج "العاشرة مساءً"، على قناة دريم2"، خلال مداخلة هاتفية مع البرنامج، بسبب الفيلم الجديد "ريجاتا".
وقال السبكى مهاجمًا الإبراشى "إنت مش لاقي حاجة تتكلم فيها جايبني تقول الفيلم بتاعي هيعمل مشاكل وجدل، الفيلم بتاعي فيلم محترم، والنسخة اللى على النت مسروقة".
وانفعل الإبراشى قائلًا: "أنا مش لاقى موضوع أتكلم فيه، أنا ولا يهمني أتكلم معاك أصلًا أنا بدافع عن السينما". ورد السبكى: "سيبوا السينما في حالها"، وأغلق الهاتف، في وجه الإبراشى على الهواء.
"ريجاتا" فيلم جديد للمنتج محمد السبكى، بطولة، عمرو سعد، إلهام شاهين، رانيا يوسف، فتحى عبدالوهاب، وإخراج محمد سامى.