هزيمة الزمالك بثنائية تشعل «تويتر».. خالد: «الزمالك صعب عليه يفرح إمبارح والنهاردة»..سكر برا: «الدنيا حواليه بتتغير وهو ثابت».. أبو ميدو: «أكبر كذبتين في مصر..مرسي راجع.. الزمالك قادم»

انتاب رواد مواقع التواصل الاجتماعى حالة من السخرية عقب هزيمة نادي الزمالك أمام نظيره إنبى، في المباراة المؤجلة من الجولة الأولى للدوري العام، والتي جمعت بينهما مساء اليوم الخميس، على استاد القاهرة الدولي وانتهت بفوز الأخير بثنائية دون رد، ومن جانبها رصدت «فيتو» أبرز التعليقات..
عمر الشريف: «والله تلاقى اللى مصبرهم أن الأهلي خسر إمبارح 4».
خالد الجندى: «الزمالك صعب عليه أنه يفرح امبارح وكمان النهاردة، الزمالك ولا عمرو هيهملها، ومحدش يعاير النادي الأهلي غلطة كل عشرين سنه أهلاوي وافتخر».
سكر برا: «الزمالك ده أصيل بجد..الدنيا حواليه بتتغير وهو موقفه ثابت مابيتغيرش».
محمد زكى: «أنا مهما ربنا أدانى مش هفرط في المركز التانى».
زيكو: «يا جدعان لسا الدوري طويل ولسه الزمالك هيخسر تاني».
أحمد فرانكو: «إنبى بيوجعنى».
محمد إبراهيم: «أنا مهما ما ربنا ادانى مش هفرط ف المركز التانى».
زياد خورى: «اقسم بالله ضحك السنين مع الزمالك».
أبو ميدو: «أكبر كذبتين في مصر.. مرسي راجع..الزمالك قادم».
بوس بوس: «اتحط على الزمالك».
أبوعلى: «مش عايزين حد يزعل الزمالك قاااااااااااااااااااادم».
مصطفى جو: «بيقولوا انبي تقيله على الزمالك بس أكيد مش اتقل من الاتحاد على الأهلي».
رنا شوقى: «الحاجة الوحيدة اللي لا اتغيرت قبل الثورة ولا بعد الثورة ولا هتتغير أن الزمالك هيفضل يطلع عين امه في كل ماتش يدخله حتى لو قصاد عيال الشارع».
ميدو الألمانى: «أنا عارفه أن الزمالك مكسبش الأهلي من أيام ما كان عمر جابر في تالتة إعدادى».
إبراهيم صبرى: «انبي يُوجع الزمالك ويعيده للمركز الثاني».