تويتات ضياع الكأس.. مبارك للزمالك: كاس وداير

* تعليق “نعتذر للزمالك الثورة حظها قليل حتي في الكورة”.. و”النظام لم يسقط بعد الزمالك لا يحصل على بطولة”
* 100 سنة زمالك 100 سنة متعة لجمهور الأهلى.. كعادته: حسن شعادة يسعد جميع المصريين
كتب- إسلام الكلحي ومحمود هاشم:
دشن نشطاء على موقع التواصال الاجتماعي تويتر هاشتاج بإسم زمالك ( #Zamalek ) سخروا فيه من هزيمة الزمالك من نادي إنبي بهدفين لهدف وخسارته لكأس مصر في نهائي البطولة مساء اليوم.
وكانت أبرز التعليقات :
الرئيس السابق حسني مبارك يرسل برقية تعازي لنادي الزمالك يقول فيها.. كاس وداير
نعتذر للزمالك، الثورة حظها قليل حتى في الكورة
ومازال مسلسل النحس مستمرا .. بنجاح منقطع النظير
حسن شحاتة عملها كالعادة و فرح مصر كلها
بمناسبة الخروج من الكأس ... مختار مختار بيقول لشيكابالا .. أنت مش أنبي ... أحمد رؤوف هو اللي أنبي
شعار الزمالك ،، مهما ربنا إداني مش هفرط في المركز التاني
احنا صابرين صابرين صابرين حد يقول لكارلوس لطوف يرسملنا حاجة عن الزمالك
الظاهر مش مكتوبلنا فرحه لا فى ثوره ولا بطوله
النظام لم يسقط بعد.... الزمالك لا يحصل على بطولة..
المئويه اللى حيلتى بااااااااااااظت بااااااااااااااااظت
100 سنة زمالك 100 سنة متعة لجمهور الأهلى
كعادته .. حسن شعادة يسعد جميع المصريين
ياجماعة الزمالك مش هياخد بطولة غير لما الثورة تنجح .. ده دليل إن الثورة مانجحتش
الزمالك طول عمره مذلول ومحمص .. محروق ومتقرطس .. مهو بقاله 100سنه مطورش نفسه .. هما قالو ان كده كفايه والزمالك مش- هيكسب تاني .. وأخترنا الزمالك وسميناه ديلايتس، الزمالك ديلايتس فريق عمره مهياخد الدوري ولا الكأس