لو لسه فيه شوية إيمان في القلوب

لو فيه إيمان جد بصحيح
لو حتى ذرة شايلها ريح
لو لسه ناس من الفجر تصحى
وبتدعي رب الكون يزيح
يمسح على جبين المعذب بالحنان
ما نشوف عليل ما نشوف جريح
وارفع دراع للكون يعافر
وأربي ناب جنبيه ضوافر
ولا أسيب في حقي يوم لغادر
ينطق لساني يقوم يجاهر
مادام خلاص ضاع الإيمان
لو سهم شر بصدري حل
من عم أو من حتى خال
يا صاحبي ليه خلتها خل
البس طُرح وارمِ العقال
وِلْغير إلهي الشكوى ذُلْ
والمرء إيه لو يوم يُهان؟
طول عمري شايفه زي والد
فوق رأسي حطه بامتنان
اطعن في وشي يلّه واجه
من ضهري ليه هتكون جبان؟
طب ليه تروح في صف غادر؟
ولاّ انت من حلف الشيطان؟
خسران يا ربي لأحلى صاحب
مادام خلاص ضاع الإيمان
لو فيه إيمان جد بصحيح
لو حتى ذرة شايلها ريح
لو لسه ناس من الفجر تصحى
وبتدعي رب الكون يزيح
يمسح على جبين المعذب بالحنان
ما نشوف عليل ما نشوف جريح