الحب سنة ولا فرض !!

فيه خناقة
دايرة بين عقلي وقلبي
وفيه صراع
افتح الباب ولا أواربه أو أقفله
أدي فرصة مرة تاني
للخداع
ولا هو الدرس أصلاً. علمه
وجاي نادم، إنه باع
فيه خناقة جوه عقلي
عقلي بيقول سمكري كل الببان
والضعيف قدامه قلبي
قلبي بيقول ارجعي ده عنيه أمان
قلبي قالي فاكرة حبه
رد عقلي فاكرة ذله
رد قلبي عليه وقاله
طب وحنية عنيه وقت الوداع
رد عقلي قاله خاين راح وباع
رد قلبي قاله كان إحساس جميل
عقلي رد وقاله إنسي حب ضاع
لا أنسي إني...أنسى ده قلبي رد
من حنانه دموعه نازلة طول وعرض
كشر العقل ومسك في خناق معاه
قاله هو الحب سنة ولا فرض
قلبي بدموعه وبكاه قرر يرد
غيب يا عقل
غيب يا عقل وروح بعيد
غيب لأن الحب فرض...