بالفيديو.. الفتيات: لو تعرضنا للاغتصاب مش هنسمح لحد يستغلنا

بعد انتشار حالات الاغتصاب وتباين نظرة المجتمع للفتاة المغتصبة؛ البعض يراها أنها السبب والبعض يراها مجنيا عليها، "فيتو" تضع المصريين في موضع المغتصبة.. ماذا لو تعرضتِ للاغتصاب؟
قالت سمر محمد إن حياة الفتاة المغتصبة لا يمكن أن تكون حياة طبيعية وستواجه كثيرا من الصعوبات والتحديات في تعاملها مرة أخرى مع المجتمع.. مش هسمح لحد لو أنا مكانها إنه يستغل الموضوع لما يجي يتقدملى ويخليني أتنازل علشان حاجة أنا مليش ذنب فيها.. ده أنا أبور أحسن".
وأكدت مي سعيد أنه في حالة تعرضها للاغتصاب ستكمل حياتها بصورة طبيعية لكن هذا سيكون صعبا في البداية، مضيفة أنها ستحاول التأقلم مع الوضع ولكنها لن تتزوج حتى لا يستغل وضعها قائلةً: "قدر الله وما شاء فعل وأكيد ربنا هيعوضنى في الشغل أو حاجة تانية".
ماذا تفعل مع ابنتك المغتصبة؟
قال على سيد: "لو بنتي حصلها كده هعمل إيه يعني هخرب علي بيتي!".
وأشار محمد مرزوق إلى أن العقل هو الحل الأمثل لمواجهة هذه المشكلة، قائلًا "مهو أنا لو اتعاملت معاها بعنف هدخل السجن وههدم البيت وأضيع عيالي".
وأوضحت سعاد حسين أنها ستتعامل مع ابنتها في حالة تعرضها للاغتصاب بلطف، قائلة" مش الدنيا تظلمها وأنا كمان، وأنا أكيد هحاول أواسيها بس المهم المجتمع يشوفها ملهاش ذنب ".
ونصحت فوزية حسن الفتاة التي تتعرض للاغتصاب بضرورة الحذر في التعامل مع المواقف، قائلة: "الشباب دلوقتي مبقوش كويسين وربنا يجازي اللي بيعملوا كده، وربنا يتولاها ويرزقها بابن الحلال".