انسحاب صباحي يشعل تويتر.. هشو: انسحب يا حمدين والا هدعي عليك.. دينا: إنت هتخاف من إيه؟.. علي: للأسف انتخابات هزلية سخيفة..رانيا: أنا خايفة على شكلك ياعمونا..وليد: المسرحية خلصت ورجعنا 30 سنة ورا

طالب عدد كبير من من نشطاء فيس بوك وتويتر المرشح الرئاسي "حمدين صباحي" بالانسحاب من الانتخابات، بعد قرار اللجنة العليا للانتخابات بتمديد فترة التصويت ليوم ثالث، ودشنوا هاشتاج بعنوان: "انسحب يا صباحي" جذب عددا كبيرا من المغردين، منذ الساعة الأولى لتدشينه.
يوسف عزت النمر: "لو لسة عندك احترام لنفسك وللثورة #انسحب يا حمدين" .
هشو: "#انسحب يا حمدين.. والا هدعي عليك".
دينا محمود: "عندك رأيين الأول #انسحب يا حمدين والآخر #كمل يا حمدين يعني كدة ميت وكده ميت إنت هتخاف من إيه"
محمود مصطفى: "بعد ساعة من إعلان تمديد الانتخابات ليوم ثالث.. هاشتاج #انسحب يا حمدين يحتل المرتبة الأولى على #تويتر في #مصر"
ممدوح صلاح" #الحمد لله..راهنت على حمدين..وراهنت على إحراج النظام #انسحب يا حمدين".
على محمود على: "#انسحب يا حمدين للأسف انتخابات هزلية سخيفة"
رانيا حسين: "#انسحب يا حمدين أنا خايفة على شكلك ياعمونا انسحب بشياكة كده وبشعرك ده.. بدل ما هاتخسر وانت شكلك شراب مقطع"
عبد الرحمن هاني: "الفرز اليوم أو الانسحاب #الأربع بتاع التزوير #انسحب يا حمدين".
شروق رضا: "إنسحب واكسب الشباب في صفك.. حقك مش هيضيع #انسحب يا حمدين" .
محمد أمين: "#انسحب يا حمدين انسحاب #حمدين في إيد شباب الحملة، اضغطوا عليه يا رجالة."
وليد الريان: "#انسحب يا حمدين المسرحية خلصت ورجعنا 30 سنة للخلف لا في ثورة اتعملت ولا شهداء ولا أي مطلب حيتحقق كله ضاع"
مؤمن الطباع: "هيا كانت باينة من أولها #انسحب يا حمدين" .
ليدي نانا: "#انسحب يا حمدين حاضر لما عمو تنظيم الإخوان يقول للصباحي ساعة الصفر للانسحاب".
أحمد مجدي: "#انسحب يا حمدين يلا بقى يا حمادة متتعبنيش معاك" .
كريم نديم: "#انسحب يا حمدين أنا خايف من حاجة واحدة، إن #السيسي عقابًا للشعب ميديناش اللمض الموفرة!"
إسلام السعدي: "#انسحب يا حمدين ماذا يعني تأكدك من تزوير إرادة الناخبين بمد التصويت غدا وتستمر أنت وتسحب مندوبيك من اللجان. انت بتساعدهم ع التزوير"
عمر قاسم: "#انسحب يا حمدين أنا إديتك صوتي بس انسحب لو خلوها 3 أيام بلاش مهزلة".
أحمد شبل: "مرزق من يومك كل مرة الحظ يجيلك لحد عندك بس يارب مترفصوش المرة دي #انسحب يا حمدين علشان ترجع شعبيتك #انسحب يا حمدين علشان يعرفوا حجمهم"
محمد خشبة: " #انسحب يا حمدين ومحدش هيقول عليك كومبارس تاني والنظام القادم هيبقى مات قبل أن يولد فكر في أم البلد ياعم"
تقي: "#انسحب يا حمدين كفاية مهزلة لحد كدة ! سيبهم يشبعوا بيها".
سهيلة أحمد: "حمدين متمسك بالرئاسة جدا.. ومستحيل ينسحب #انسحب يا حمدين" .