أيتن عامر تبكي على الهواء: شغلنا مبيعرفش الرحمة

انهارت الفنانة أيتن عامر على الهواء، خلال لقائها ببرنامج «شيخ الحارة»، الذى تقدمه الإعلامية بسمة وهبة، على فضائية «القاهرة والناس». وقال «شيخ الحارة» إن أيتن عامر ظلت فى عملها ذات يوم رغم علمها بمرض ابنتها. وردت أيتن: «اللى حصل إن بنتى كانت تعبانة جدا وأمى كلمتنى قالتلى إن درجة حرارتها 39.5 درجة ومبتنزلش حتى بعد ما أخدت أدوية خفض الحرارة، وكنت بصور يوم مهم جدا فى الفيلم وكان فيه فرح وبيتصور الكليب بتاع الدعايا، الإضاءات المتحركة الموجودة غالية، والفرش غالى، دا غير إيجار الفيلا والممثلين اللى استحالة نعرف نلمهم اللمة دى تانى».
وأضافت أيتن: «أول حاجة عملتها اتصلت بجوزى اللى كان بيصور مسلسل الوصية، فقال صعب جدا أكلم حد من زمايلى ييجى يحل مكانى دلوقتى، ورغم كدا خد عربيته ومشى من التصوير وقت البريك يطمن عليها، وفى نفس الوقت أنا فى مكانى مطلوب منى أضحك عشان دا شغلى وعشان أنا لو مشيت فيه نص مليون جنيه هيترموا فى الأرض».وتابعت أيتن:
وأضافت أيتن: «أول حاجة عملتها اتصلت بجوزى اللى كان بيصور مسلسل الوصية، فقال صعب جدا أكلم حد من زمايلى ييجى يحل مكانى دلوقتى، ورغم كدا خد عربيته ومشى من التصوير وقت البريك يطمن عليها، وفى نفس الوقت أنا فى مكانى مطلوب منى أضحك عشان دا شغلى وعشان أنا لو مشيت فيه نص مليون جنيه هيترموا فى الأرض».
وتابعت أيتن: «بنتى سخنة جدا فى البيت وبتفرفر، والناس حواليا كلهم بيضحكوا وأنا منهارة ومش عارفة أعمل إيه، حاولت أستأذن ومنفعش».
وواصلت: «اللى خلانى استحملت ال3 ساعات اللى قعدتهم إن واحدة صاحبتى راحت ودت بنتى وأمى المستشفى».
وقالت أيتن: «إحنا شغلانة مبتعرفش الرحمة، ممكن حد فيها يموت ومنعرفش نفركش حتى احتراما لحرمة الميت، شغلانة ملهاش قلب، الناس بيفتكروا إن الشغلانة سهلة، مبيشوفوناش وإحنا مروحين مش قادرين نقف على رجلنا فى بيوتنا نغسل وشنا من الميكب».