نحمده: كنت أتمنى مقابلة سائق لأي مسئول فقابلت الرئيس

روت نحمده سعيد، سائقة الميكروباص التى استوقفها الرئيس عبدالفتاح السيسى لمصافحتها، فى أثناء جولته بالعاصمة الإدارية، الخميس، تفاصيل لقائها بالرئيس. وقالت نحمده خلال لقائها ببرنامج «مساء dmc»، الذى يقدمه الإعلامى أسامة كمال، والذى يعرض على فضائية «dmc»: «كنت أتمنى مقابلة سائق لأى مسئول يتوسطلى عند أى معرض سيارات أشترى عربية لأنى مش معايا أدفع مقدم». وأضافت: «موكب الرئيس كان ورايا بعد ما طلعت كوبرى، وبحكم عملى على الطريق أعرف يعنى إيه موكب مسئول ويعنى إيه حد يدخل وسطه، فبدأ أزود سرعة العربية عشان مينفعش أبقى فى وسطهم خصوصا وإنها عربية ميكروباص.
وأضافت: «مكنتش عارفة ساعتها إنه موكب الرئيس».وأكدت سائقة الميكروباص: «أول مرة أشوف موكب الرئيس، مواكب المسئولين التانيين صعبة قوى، كنت شغالة فى مدينة الضباط، ولما كان موكب رئيس الوزراء السابق بيعدى، المرور كان بيركنوا العربيات اللى ماشية على جنب، لكن موكب الرئيس العربيات كانت ماشية حواليه عادى محدش
وأضافت: «مكنتش عارفة ساعتها إنه موكب الرئيس».
وأكدت سائقة الميكروباص: «أول مرة أشوف موكب الرئيس، مواكب المسئولين التانيين صعبة قوى، كنت شغالة فى مدينة الضباط، ولما كان موكب رئيس الوزراء السابق بيعدى، المرور كان بيركنوا العربيات اللى ماشية على جنب، لكن موكب الرئيس العربيات كانت ماشية حواليه عادى محدش بيتعرض لحد، هما كانوا هيسيبونى لكن الرئيس لما شافنى واحدة ست طلب منهم يوقفونى.. وأنا كنت مرتبة إنى أمشى فى الحارة اللى على اليمين عشان الموكب يعدى، فلقيت عربية بتحاول تحصلنى، وطلبت منى التوقف».
وتابعت: «لما قفلوا عليا الطريق كنت ببص للركاب ومش قادرة أتمالك أعصابى من الخضة، مكانش معايا الرخصة لأنها مسحوبة، وفوجئت بكاميرات ومصورين ولواء قال للركاب محدش ينزل من العربية وطلب منى منزلش، لحين فوجئت بالرئيس، اللى رفض إنى أنزل وجالى هو بنفسه».