صديق خائن وعلاقة مجهولة.. لغز جريمة السلام

الصديق الخائن تخلص منه وألقى جثته على السلم واختفى.. جار القتيل اكتشف الجثة وصرخ في البواب.. الجيران: كان في حاله وبييجي 4 أيام في الشهر ومشفناش منه حاجة وحشة
أصوات التلفاز تعلو من داخل شقة سكنية بالدور الثامن، شارع الجيار، المتفرع من شارع 6 أكتوبر التابع لمنطقة السلام، وكأنها تخبر "سامح"، أحد قاطني العمارة ويسكن بالدور الذي يعلوه، أن جاره أتى كعادته ويعيش حياته اليومية الطبيعية بسلام، ليمضي بطريقه على سلالم مسكنه غير مبال لذلك، هذه المرة اختلفت، أوقفته جثة صاحب الشقة أسفله وهي غارقة بدمائها وملقاة على درجات سلم الدور السادس، لجمته الصدمة لم يعرف ماذا يفعل هل يهرب هل يصرخ هل يبلغ الشرطة وماذا لو اتهم بقتله أو سرقته؟.
"عم عوض" كما يدعوه سكان منطقته، حارس إحدى العمارات منذ عشر سنوات، قائلا "يوم الثلاثاء وأنا بتعشى مع عيالي، سمعت أستاذ سامح بينادي علي ويقولي في واحد ميت على السلم، افتكرته بيهزر فقلتله طب ما تدفنه ولا مستني التصريح، غضب من مزحتي وردد بعصبية أنا ما بهزرش يا عم عوض تعالى بسرعة شوف مين دا".يكمل "عوض"،
"عم عوض" كما يدعوه سكان منطقته، حارس إحدى العمارات منذ عشر سنوات، قائلا "يوم الثلاثاء وأنا بتعشى مع عيالي، سمعت أستاذ سامح بينادي علي ويقولي في واحد ميت على السلم، افتكرته بيهزر فقلتله طب ما تدفنه ولا مستني التصريح، غضب من مزحتي وردد بعصبية أنا ما بهزرش يا عم عوض تعالى بسرعة شوف مين دا".
يكمل "عوض"، بعد تغير ملامحه عندما تذكر شكل الجثة وهي ملقاة على الأرض "طلعت أجري على السلم وأنا مش عارف هو مين، ولما دققت فيه لقينا وشه غرقان دم، وملامحه مش واضحة، وفي دم على التيشرت بتاعه، من ناحية البطن وسكان العمارة اجتمعوا من أصواتنا العالية، في أحد قال نفتش هدومه يمكن معاه أوارق تثبت شخصيته، بس أنا ما رضيتش نحركه من مكانه لحد ما تيجي الشرطة، وفور وصول الشرطة ورفع الجثة قدرت أتعرف عليه، فقلت دا استاذ وائل (اسم مستعار) اللي ساكن عندنا في الدور الثامن".
يتذكر حارس العقار معلوماته عن جاره القتيل "أستاذ وائل ساكن في العمارة من سبع سنين، بييجي كل شهر أربعة أيام بس ويقعدهم في الشقة، هو من الغربية ومتجوز هناك، وكان مفهمنا إنه بيشتغل أمين شرطة في المطار، وظروف شغله هي السبب إنه ما بيبقاش الشهر كله فيها، وهو طالما بيدفع إيجاره في ميعاده، وفواتير الكهربا والميه وأجرة البواب بانتظام، يبقى أنا ماليش حاجة عنده، وكان كريم مع عيالي، وكل ما يشوف حد فيهم يهزر ويضحك معاهم، ويسبلهم فلوس ويمشي على شقته".
بحزن يروي "عوض"، المزيد: "عمره ما جه الشقة لوحده، دايما بيكون معاه واحد صاحبه، أنا لو أعرف إن نهايته هتكون على إيد واحد فيهم كنت منعتهم يدخلوا العمارة، بسبب اللي حصل معظم الجيران خافوا، وفي منهم اللي ساب الشقة واتنقل مكان تاني، واللي بيستعد عشان يسيبها، وخربوا بيت الراجل صاحب العمارة اللي كان بييجي كل شهر ياخد الإيجار ويرجع بيته، لأنه ساكن في محافظة تانية".
وتعتبر زوجة "عوض" ما حصل مع الساكن جريمة بشعة "صاحبه بدل ما ياخد بإيده في الشدائد، غدر به وقتله ورمى جثته على السلم، هو اتقبض عليه وقال السبب في قتله علاقاته المحرمة به وإنه خاف ينكشف أمرهم، مش كفاية اللي عمله فيه في دنيته كمان بيسوء سمعته بعد مماته، والراجل ربنا يرحمه، الشهادة لله الكام يوم اللي بيقعدهم في شقته مابيعملش أي حاجة مريبة، صحيح البني آدم غدار بطبعه من قديم الزمن، لازم نحرص وناخد بالنا على عيالنا حتى من صحابهم، وحسبي الله".
يذكر أنه منذ أيام قد تلقى قسم شرطة السلام أول، بلاغا بالعثور على جثة شاب ثلاثيني بمنطقة جراج جسر السويس التابع لمنطقة السلام، وبالانتقال والفحص عثر على جثة شاب مصابا بعدة طعنات، وبعمل التحريات اتضح أن صديقه "ع.ا" وراء ارتكاب الجريمة، وألقت المباحث القبض عليه، وتم استجوابه للوقوف على أسباب الحادث، فاعترف بارتكاب جريمته مبررا أنه أقدم على قتله بعد قضائهم ليلة حمراء من علاقة محرمة، وقيام المجنى عليه بتصوير ذلك، ما أثار حفيظته فنشبت بينهما مشاجرة، انتهت بقيامه بطعن المجني عليه بسلاح أبيض أودى بحياته.
وأمرت النيابة برئاسة المستشار أحمد عامر، بحبس المتهم 4 أيام على ذمة التحقيقات، لاتهامه بقتل صديقه وإقامة علاقة محرمة بينهما.