ريهام سعيد ل«رشاد»: ماتخدنيش كبش فدا وركز في مشاكلك

الإعلامية ريهام سعيد أقحمت نفسها في مشكلة إلغاء حفل زفاف محمد رشاد ومي حلمي، فقد فضلت الرد على الانتقادات التي وجهها لها، بعدما تحدث عن الموضوع في برنامجها
ردت الإعلامية ريهام سعيد، مقدمة برنامج "صبايا" على قناة الحياة، على تصريحات المطرب محمد رشاد، التى نشرها على حسابه بموقع "إنستجرام"، قائلة: "الأستاذ محمد رشاد، هو انت بتعلق على الحلقة على السمع؟ يعني ماتفرجتش غير على مقاطع الفيديوهات صح؟ اتفرج على الحلقة كاملة ولا حد جاب سيرتك ولا قال إنك اتخليت عنها"، وتابعت، في بيان: "إحنا بنقول إن أي بنت بيتلغي فرحها بتزعل، وده بيبقى خير للطرفين.. ركز مع خطيبتك اللي في المستشفى، وعلى فكرة إحنا طول الحلقة بنتمنى لكم التوفيق.. ماتاخدش ريهام سعيد كبش فدا و ركز في مشاكلك".
وأكملت: "الصحافه بتتكلم لمدة 3 أيام، وماقررتش ترد غير عليا مع إني الوحيدة اللي ماتكلمتش على سبب الانفصال لأنه خاص بيك"، معقبة: "مفيش حاجة اسمها حياة شخصية لشخصية عامة، وهي دي الضريبة، ورغم أننا كنا على علم بالموضوع يوم الأحد فلم نذع حرفا، يوم الأحد لحد ما الصحافة كلها اتكلمت ومي دخلت المستشفى".واستطردت:
وأكملت: "الصحافه بتتكلم لمدة 3 أيام، وماقررتش ترد غير عليا مع إني الوحيدة اللي ماتكلمتش على سبب الانفصال لأنه خاص بيك"، معقبة: "مفيش حاجة اسمها حياة شخصية لشخصية عامة، وهي دي الضريبة، ورغم أننا كنا على علم بالموضوع يوم الأحد فلم نذع حرفا، يوم الأحد لحد ما الصحافة كلها اتكلمت ومي دخلت المستشفى".
واستطردت: "حضرتك قمت بتأليف سيناريو إن أنا قلت إنك اتخليت عنها ممكن يكون إحساسك لكن ماجاش حاجة شبه كده على لساني.. أنا قلت باتمنى إنكوا تتصالحوا ولو محصلش يبقي خير فيكوا إنتوا الاتنين، أنا قلت إني باتكلم عنها مش عنك لأن البنت دايما بتتأثر بإلغاء الفرح أكتر من الراجل".
وكان "رشاد" قد انتقد بشدة تصريحات ل"ريهام سعيد"، قائلًا: "الأستاذة الإعلامية ريهام سعيد.. أولا اسمى وحياتى الخاصة والعامة لا تعنيكى فى شىء وماسمحش إنك تصورينى فى صورة إنسان مستهتر بمشاعر إنسانة بحبها أو بينا شىء محترم ولكن يمكن ماحصلش نصيب بينا لخلافات خاصة بينا قبل أى حد كائنا من كان والقرار بخيره أو بشره عائد علينا أولاً وأخيرا قدر الله وما شاء فعل، ما لم يشأ لم يكن وإن شاء فقد كان".
وتابع رشاد: "المصادر الموثوقة اللى قالتلك إن مى جالها جلطة فى المخ موصلتش لحضرتك إنها كانت معايا أثناء عرض الحلقة بتاعتك بنحاول نوصل لحل يرضى أطراف الخلاف اللى حدث يوم زفافنا، ومكنش ولله الحمد عندها جلطة فى المخ بعد الشر عنها وعن أى شخص، معتقدش هتوصلك لأن مصادرك يا أستاذة يا كبيرة ضعيفة".
وأوضح: "(مى) بالنسبالي أكبر من كل الكلام اللي بيتقال وهيتقال لأن بيننا عشرة وسنين وشوفنا فيها حلو ووحش، ولو حضرتك كلمة الكرامة لا تعني لك شيئا، فأنا كرامتي وكرامة أهلي تعني لي الكثير جدا وتهمني بعيدا عن كل المهاترات التي تم نشرها خلال الأيام اللي فاتت، وأنا احتراما لأيام ومشاعر بيننا ماحبتش أتكلم ولا هتكلم لأن مي سواء كانت شريكتى فى الحياة أو لا فده نصيب، وقدر الله ما شاء فعل".
واختتم حديثه قائلاً: "أتمنى تتأكدى من مصادرك وأخبارك قبل ما تتناولى أعراض وحياة الناس الشخصية (لأ) بفضل الله أنا أهلى ربونى كويس وعرفونى الأصول والشهامة والأخلاق والكرامة قبل أى شىء".
View this post on Instagram
عسي أن تكرهوا شيئاً و هوا خير لكم .. صدق الله العظيم ربنا يصلح الأحوال و يرشدنا صواب الأمور #بتاعت_الراديو #محمد_رشاد #ريهام_سعيد #صبايا
A post shared by Mohamed Rashad - محمد رشاد (@mohammedrashadofficial) on Oct 22, 2018 at 8:05pm PDT
وكانت الإعلامية ريهام سعيد قد علقت من خلال برنامجها على انفصال "رشاد" عن المذيعة مي حلمي قبل زفافهما بساعات، وقالت إن الأخيرة لم تتحمل الصدمة ودخلت على أثرها المستشفى، وإنها اتصلت ب"مى"، ولم تكن تعرف هل تواسيها أم تقول لها مبروك، هو الأمر الذى أزعج رشاد وجعله يخرج عن صمته، ليروي ما حدث من وجهة نظره.
"رشاد" كان قد أعلن ارتباطه بمي حلمى العام الماضى، ونشرا فى نفس التوقيت عبر حساباتهما الشخصية على «إنستجرام» صورة تجمعهما معا، وأعلنا عن قصة حبهما، حيث علق محمد قائلا: «وسط كل اللى قابلتهم فى سنين حياتى كلها مفيش غيرك خطف قلبى بكل الحب والإخلاص اللى جواكى.. حبينا كل الناس تشاركنا فرحتنا ودعواتكم بالخير».