سخر من «الهضبة» والفيشاوي.. مقدمة كوميدية ل«فهمي» في افتتاح مهرجان الجونة (فيديو)

قال الفنان أحمد فهمي، إن اختياره لتقديم حفل افتتاح مهرجان الجونة السينمائي، المُقام في الجونة، بدورته الأولى، سيكون أحد أسباب فشله، مضيفًا بسخرية: «نجيب ساويرس صرف فلوس كتير على المهرجان واسترخص وجبني أنا ومرضيش يجيب كريم عبد العزيز، أو أحمد حلمي، أو أحمد السقا، أو محمد رمضان، عشان حتى يبقى المهرجان ثقة في الله نجاح، بس يكون رقم 2 أو 3 بالإيرادات الجديدة».
أضاف فهمي، خلال تقديمه الحفل، مساء اليوم الجمعة، «السبب التاني لاحتمالية فشل المهرجان، هو غياب الهضبة عمرو دياب عن الفعاليات، واعتقد إنه كان هيضيف للمهرجان كتير، لكن أنا بعتذر بالنيابة عنه، لأن هو دلوقتي بيعقد جلسات عمل مكثفة مع عالم الفلك والأبراج السيد الألوسي، للاستقرار على كلمات ألبومه الجديد، وهو لسه مستقرش هيكون البرج عقرب ولا ميزان، لكن كل اللي يجي من عمرو كويس».
تابع: «السبب الثالث هو فيلم الافتتاح (الشيخ جاكسون)، بغض النظر عن أن محمد حفظي المنتج، وعمرو سلامة للأسف هو المخرج، ومحمد دياب صاحب عمرو سلامة، وأحمد مالك هو أحد أبطال العمل، وإن ده بيعلي احتمالية إن البوكس يدخل أي لحظة المهرجان، لكن اللي قلقني إن هنا ستات حلوة أوي، وهنا تكمن الخطورة في ظل تواجد أحمد الفيشاوي، وأنا بوجه رسالة لكل رجالة الجونة إنهم يخبوا مراتاتهم وبناتهم».