«احجزيلي مكان جنبك في الجنة».. رسالة أب إلى ابنته التي قتلتها «زوجته الثانية» (صور)

بعث المهندس عوض النجار، والد الطفلة نادية، التى لفظت أنفاسها الأخيرة على يد زوجة أبيها، برسالة لابنته عبر صفحته ب"فيسبوك"، نعى فيها «نادية»، معربا عن حزنه وألمه جراء فقدان صغيرته، التى أثارت تعاطف أهالى المرج معها، بعد خبر اختفائها لمدة 11 يوما، انتهاءً بكشف لغز تغيبها أمس الجمعة، بالعثور على جثتها ملقاة بالرشاح.
يقول الأب: «يا نادية متزعليش منى أنا ولعت فى هدومها وحاجتها بس، لكن هيا المجرمة بنت المجرم وبنت المجرمة ماعرفتش أحط إيدى عليها، البوليس جه قبض عليها بسرعة كان نفسى أولع فيها حية، وبرضه مكنتش هاطفى نارى، ولا لو ولعت فى الفيوم كلها هتهدى شوية بس من نارى».
أضاف الأب المكلوم: «معلش إنتى فى الجنة يا بختك، بس ابقى احجزيلى مكان جنبك فى الجنة، اطلبى كدا من ربنا سبحانه وتعالى، ماتنسيش ادعيه وقوليله يا رب بابا اتحرم منى فى الدنيا وهو كان بيحبنى حتى أكتر من ندا ومن أى حد فى الدنيا، واحنا راضيين بحكمك يا رب، وماتنسيش ندى ومامتك احجزلهم معانا مكان برضه، المشكلة بس إن إنتى هتوحشينا أوى، لكن هنحاول نستحمل فراقك طالما إن شاء الله هتخدينا معاكى فى الجنة وهنشوفك تانى».
واستكمل والد نادية، رسالته الحزينة قائلا: «والله يا حبيبتى لو أنا متأكد إن ربنا هيجمعنى بيكى فور وفاتى ماكنتش اتأخرت ثانية وانتى عارفه كدا، لكن أستغفر الله العظيم، وحسبى الله ونعم الوكيل».

يعبر الأب عن ألمه وحزنه الذى يسيطر عليه، موضحا: «على فكرة يا ندنود أنا قلت للناس ماحدش يعزينى فى نادية إلا بعد القصاص، يعنى بعد ما يعدموا الكافرة اللى مالهاش ملة ولا دين ولا أى حاجة من أى نوع، ارتاحى يا حبيبتى وبابا هيجيبلك حقك وبزيادة كمان يا نور عين عوض، بس فين الحضن بتاع كل يوم».
وتابع الأب: «مين اللى هيقولى بابا فيه حاجة فى عينك، مين اللى هاسمع منه أحلى عوض فى الدنيا، مالك يا عوض روق يا عوض، بحبك يا عوض، يا أحلى صوت وأحلى شكل وأحلى بنوتة، معلش أنا طولت عليكى ما أصل أنا مابشبعش منك، ما انتى عارفانى، اعتبريها حدوتة قبل ما تنامى، مش إنتى ساعات كنتى بتقوليلى إحكيلى حدوتة قبل ما انام يا بابا، مع السلامة يا حبيبتى، تصبحى على خير، باحبك يا نادية».
وأعلن والد الضحية عبر صفحته عدم تلقيه العزاء فى ابنته، قائلاً: «مع كامل احترامى للجميع بس ماحدش يعزينى فى نادية إلا بعد القصاص، وساعتها هاعلن أنا عن مكان العزاء، شكرا لكم جميعا».
«نادية» صاحبة ال11 عاما، قتلت على يد زوجة أبيها فى حادث بشع، بعدما سددت لها زوجة الأب طعنات سكين، وألقت بجثتها فى الرشاح بمنطقة المرج.
ولقيت واقعة اختفاء والعثور على جثة الطفلة نادية، سخطا شديدا من جانب عدد كبير من أهالى المرج، نتيجة لاختفائها لنحو 11 يوما، قبل العثور على جثتها داخل الرشاح، أمس الجمعة، واكتشاف لغز اختفائها ومقتلها على يد زوجة أبيها وتدعى «منى».