سلمى صباحي تكشف عن حلمها الذى تحقق في 2016

كشفت الإعلامية سلمى صباحي عبر حسابها الشخصي على موقع فيسبوك اليوم الأحد، كيف حققت حلمها في تقديم برنامج الأطفال "بنات وولاد" المذاع على قناة "النهار".
وقالت سلمى: "الحمد لله في سنة 2016 أنا حققت حلم من أحلامي إني أقدم برنامج أطفال .. من قبل ما اشتغل مذيعه سنة 2005 وأنا نفسي أحقق الحلم ده و ربنا كرمني جدًا عشان على قد ما اتأخر تحقيق الحلم على قد ما اتحقق أجمل من اللي بتمناه، لأن الفرصة جاتلي مع ناس محترمة في قناة محترمة وبشكل محترم، وفي وقت مافيهوش أى برامج تانية بتخاطب الأطفال، والأهم من كل ده التوفيق والنجاح اللي ربنا كتبه للبرنامج ده".
وأضافت: "إن شاء الله يديم التوفيق والنجاح في 2017، ونقدر نوصل لكل الأطفال في كل شارع في مصر، ونقدر ننزلهم في كل محافظات مصر الجميلة.. وربنا يقدرنا ونكون قد المسئولية الكبيرة والحب الصافي اللي بيوصلني من قلوب الأطفال".
ووجّهت الشكر لمن ساعدوها في تقديم البرنامج منهم الإعلامي أحمد فايق، ومالك شبكة النهار علاء الكحكي، وجميع إدارة القناة، بالإضافة إلى الأطفال المشاركين بالبرنامج.