بالفيديو.. شويكار: «لم نحتفل بعيد ميلاد المهندس أبدا»

قالت الفنانة شويكار زوجة الفنان الراحل فؤاد المهندس، إنها لم تحتفل يوما بعيد ميلاد الراحل في حياته ولم ينظما حفلات بسبب عملهما المشترك في المسرح، مضيفة: "كنا على طول في شغل من الإذاعة للفيلم للمسرح».
وأضافت شويكار، في مداخلة هاتفية أمس الثلاثاء مع برنامج «العاشرة مساء» على فضائية «دريم»: "كنت مؤمنة بفن المهندس وعبقريته وكنت بحبه فبيكون مرتاح نفسيا فده كان بينعكس على الشغل، كنت ببصله كنت بحس إني شايفة حاجة كبيرة فده بيديله ثقة كبيرة أوي في نفسه"، مضيفة: "كان راجل بتاع ربنا وراجل كويس".
وتابعت: "كان بيضحك دايما على كلامي وحركاتي، كنت ماسكة في ديل جاكتته، وذكرياتي معاه باقية لأن مفيش مكان رحته إلا وكان معايا".
واستطردت: «فؤاد المهندس ما زال موجودا ويعيش بين الجمهور المصرى بأعماله الكوميدية الفنية»، موضحة: «الراحل كان يحب كل أعماله الفنية، لو في حاجة مش بيحبها مكنش بيعملها، لأنه كانت مناخيره في السما وكان عنده عزة نفس».