بالفيديو.. السيسي يوجه رسائل للمصريين في «احتفالية الأوبرا»

وجَّه الرئيس عبد الفتاح السيسي عدة رسائل للمصريين، خلال حضوره احتفالية الذكرى الثالثة لثورة 30 يونيو بدار الأوبرا المصرية.
وقال السيسي، في الحفل الذي تبثه الفضائية المصرية: "مصر بتقولكم أنا أمانة في رقبتكم، بتقولكم أوعوا تختلفوا أبدًا، مفيش سبب يدعونا للاختلاف".
وأضاف: "أوعوا حد يضحك عليكم ويخضعكم يا مصريين.. أوعوا يخدعكم ويضيع بلادكم.. بتقولكم أنا كنت سبب وجودكم من 7 آلاف سنة، وبطلب منكم تخلوا بالكم مني كمان لغاية 7000 سنة، ولازم نسمع الأطفال ونديهم الأمل بجد ونحميهم".
وتابع: "مصر بتقولكم مكاني مش اللي أنا فيه دا، مش كدا بقى أنا برضه، حجمي كدا أنا ما تحوجشي لحد، ولو وصل إننا منامشي منامشي، لو وصل إننا مناكلشي.. مناكلشي، الحكاية عمل وإخلاص، أوعوا تنسوا الرسالة دي".
واستطرد: "أوعا حد يضحك عليكم ويحاول يهدكم وإنتم موجودين.. دا مش مكانة مصر، إحنا أعز من كدا بكتير، وأكبر من كدا ومش هيتحقق كدا وخلاص، تحيا مصر بيكم وأرجو أن الرسالة دي لا يليق بمصر انها تكون بالموقع دا، وإحنا موجودين اسمعوا كلامي".
واختتم: "أنا بكلمكم كواحد منكم، واحد زيكم بحلم ومن حقي أحلم، إحنا لا هنعتدي على حد ولا هننهب حق حد، ومصر مكانها أعز وأكرم من كدا، وما تتحوجش لحد، ودا مش كلام وإحنا موجدين، إحنا في أفضل حالاتنا، وحققنا حاجات كتيرة السنين اللي فاتت".