مريم أمين بعد «غياب 5 أعوام عن الشاشة»: صعب عليّ أفرح وأرقص وشارعي فيه شهداء

ظهرت الإعلامية مريم أمين، على الشاشات من جديد، منذ اختفائها عقب ثورة 25 يناير، عبر برنامج «القاهرة اليوم»، الذي يُذاع عبر قناة «اليوم»، حيث أنها ستقدم حلقتي الخميس والجمعة من كل أسبوع طوال شهر رمضان.
وقالت مريم، في مطلع حلقة الخميس: «كان صعب عليّ جدًا أكون موجودة بالفترة اللي فاتت، حاطة ميكاج وبفرح وبرقص، والشارع بتاعي فيه شهداء، والحقيقة كنت أخدت وقفة مع نفسي، وفي ناس كتير شافوا إني غلطانة، واللي ماوقفش مع نفسه خلال ال5 سنين اللي فاتوا يبقى غلطان في حق نفسه وحق مهنته».
أضافت: «أنا الحقيقة أخدت عهد على نفسي إني أكون موجودة أمام حضراتكم بالشكل اللي يليق بمصر دلوقتي، وبالشكل اللي أكون فخورة به، والنهاردة أنا معاكم ومتلخطبة شوية لأني بقيت مسئولة عن يومين في برنامج كبير، وأتمنى أن تكون عودتي عند حسن ظن الجميع».
تابعت مريك: «السياسة أخدت وقت كبير من حياتنا وتفكيرنا، الأطفال نفسهم بقوا بيتكلموا سياسة، عشان كده كان لازم الواحد يقف مع نفسه، صعب إن الواحد قبل 2011 يبقى زي بعد 2011، والبلد دي طلعت غالية جدًا عندي، وكل سنة ومصر بخير».
«القاهرة اليوم» هو برنامج التوك شو الأقدم في مصر والوطن العربي، ويقدمه الإعلامي عمرو أديب، والإعلامية رانيا بدوي.