أعرب حازم إمام، نجم نادي الزمالك السابق، عن استيائه من إقالة أليكس ماكليش، المدير الفني للأبيض، وتعدد تغيير المدربين، لما له من أثر سلبي على أداء اللاعبين. وقال "إمام"، خلال برنامج "في الأستوديو": «الزمالك لما كسب الدوري والكأس، أنا قلت ده ضد منطق كرة القدم، ومنطق كرة القدم بيقول إن لازم يكون في استقرار بالإدارة الفنية». وأضاف: «شايف إن الزمالك كسب مع تغيير المدربين عشان عدم استقرار الأهلي والطمأنينة اللي كانت عند لاعبين الزمالك واللاعيبة كانت كويسة، الأهلي فرقته بقت أقوى، الزمالك بقى متذبذب، والأهلي مبقاش يفرط في نقط بسهولة زي الموسم الماضي».