أديب: «ما يحدث مربوط في رقبة السيسي.. وخطة إنه ميكملش حكم ماشية كويس»

قال الإعلامي عمرو أديب، مساء السبت، إن الدولة فشلت في التعامل مع قضية الطالب الإيطالي جوليو ريجيني، مضيفًا: «خطة أن السيسي مايكملش حكم البلد ماشية بشكل كويس جدًا، وده جزء من الموضوع شئنّا أم أبينّا، هذا كله يُربط في رقبة عبد الفتاح السيسي، إحنا بنساعدهم بمؤامرة أو من غير مؤامرة، كل الشغل أن هذا الرجل يكمل فترته الأولى وبس».
تابع أديب، خلال تقديمه برنامج «القاهرة اليوم»، عبر قناة «اليوم»، «مصر كل يوم بتضِرب، مفيش وطن في العالم كده، حتى سوريا، والضرب كله في الرُكب، عايزين يومين نشم نفسنّا فيهم يا ناس، كده مش ممكن، من بره ومن جوه، والله مصر دي لو (ضِرس) كان زمانه اتخلع من زمان، اللي بيتعمل فينا كده كتير، وإحنا كلنا سبب في اللي بيجرا، وبعدين هو فينّا حد مبسوط؟ تأبى الدنيا كلها أن هذا الوطن يبات ليلة سعيدة».