بالفيديو.. محمد عدوية: «أبويا تخلى عني في بداية مسيرتي الفنية»

قال المطرب محمد عدوية، إنَّ والده تخلى عنه في بداية مسيرته الفنية، مضيفًا: "في ناس فاكرة إنِّي بغني عشان شهرة بابا أحمد عدوية".
وأضاف عدوية خلال لقائه أمس الثلاثاء مع الفنانة إسعاد يونس في برنامج "صاحبة السعادة"، المُذاع على قناة "سي بي سي": "أبويا وصلني لبداية الطريق، وبعد كده سابني عشان أكافح أنا لوحدي، هو كان عاوزني أنتبه للدراسة أكثر، ولكني موهبتي كبرت، وحاولت من خلاله أتصل بناس عشان أغني من خلالهم كانوا بيقفلوا هواتفهم في وجهي".
وتابع عدوية: "بابا قال لي لو أنت كويس وموهوب مش هتحتاج إني أوصلك للناس، وأنت لازم تسعى وتكافح، وكمان هو كلم ناس عشان يساعدوني، وكانوا يوافقون ولكن دون فعل".