فيديو.. سعيد حساسين ل«الحكومة»: «طفشتوا المستثمرين والعجز وصل للركب»

أعرب سعيد حساسين عضو مجلس النواب عن استيائه من أداء الحكومة وبخاصةً وزراء المجموعة الاقتصادية فيما يتعلق بمناخ الاستثمار فى مصر.
وقال حساسين، خلال برنامجه "انفراد" على فضائية "العاصمة"، مساء أمس الخميس، مخاطبًا الحكومة: "حلوا مشاكل المستثمرين هيجوا جري.. هما بيطفشوا من الروتين والبيروقراطية الموجودة في كل القوانين.. الأراضي مثلاً لها مليون جهة ومكان ومليون مكان للترخيص وفي النهاية المستثمر لازم يطفش لأنه مش فاضي يلف السبع لفات.. يلف عشرين ألف لفة عشان يخلص ورقة واحدة.. وبكده مصر بيضيع عليها فرص عمل للشباب العاطل".

وشدَّد على ضرورة الاستفادة من الدول المتقدمة دون مكابرة، مضيفاً: "العجز فى ميزانية مصر بقى للركب.. وإنتوا بتتفرجوا.. الكلام ده مينفعش ولازم وقفة.. السادة وزراء المجموعة الاقتصادية ساسبين الدولة تخرب وبيتخانقوا مع بعض".