علق الإعلامي عمرو أديب، اليوم الثلاثاء، على قرار اعتزال الفنانة شيرين عبد الوهاب، معربًا عن تأييده لموقفها على عكس الكثيرين، قائلًا: «أنا أكتر واحد مؤيد أن شيرين لا تتراجع عن اعتزالها، خاصة أنها حققت للغناء والفن ما يكفيها». أضاف أديب، خلال تقديمه برنامج «القاهرة اليوم»، عبر قناة «اليوم»، « أنا عكس كل اللي بيقولولها عودي يا شيرين، وبقولها اثبتي على قرارك، وموقفي هذا بسبب وجاهة سبب اعتزالها، يا شيرين إن كان قرارك نابع من منطلق حرصك على أولادك ووالدتك، فلا تتراجعي فيه أبدًا». تابع: «أنا أؤيد شيرين في قرارها، وعايزها ماترجعش تغني تاني خالص، لا تعودي للغناء مرة تانية، قرارك عبقري وشجاع والله، مفيش شيء أعظم من ولادك ووالدتك، وأنا من عشاق شيرين، وأنا أول واحد استضفتها هي وتامر حسني في بدايتهم، بس ده رأييّ». استكمل: «شيرين عملت كل حاجة في الفن، أخدت كل اللي هي عايزاه، وقررت تعتزل عشان الحياة العائلية والأسرة وأطفالها، وده شيء كويس جدًا، كتير فينا مبقاش بيربي عياله ولا بيقعد معاهم، ياريت أنا وغيري نلحق نقعد مع عيالنا شوية، أنا اللي يرجعلي أمي هسيب الدنيا كلها». استطرد: «أنا ضد كل المجتمع المصري والعربي اللي بيقول لشيرين أرجعي، إحنا بقينا بنلهث ورا الحياة ومبقناش بنحضن أولادنا ولا بنربيهم، خاصة الشخصيات السوبر، لأنهم بيكونوا ملك جمهورهم».