فيديو.. عكاشة: معمول ليا ألف حساب على المستوى العالمي و«السيسي ميقابلنيش»

قال عضو مجلس النواب، توفيق عكاشة، السبت، إنه قدم طلب لمقابلة رئيس الجمهورية، عبد الفتاح السيسي، ليعرض عليه ثلاث أفكار لفك ما سماه "حصار بنو إسرائيل الاقتصادي"، ولم ينظر فيه.
أضاف عكاشة، خلال لقائه مع الإعلامية حياة الدرديري، في برنامج "مصر اليوم"، المذاع على قناة الفراعين: "أنا محضرتش كلمة الرئيس أمام البرلمان، علشان أنا مش قليل، مش يبقى معمول ليا ألف حساب على المستوى العالمي، ولما أطلب لقاء السيسي، ميقابلنيش".
وتابع النائب البرلمانى: "لما ما حدش رد عليا، قولت مش هقعد كدة واسيب البلد، هو أنا ببحث واتعمق، ومعايا ناس بدي لهم مرتبات شهرية عشان يبحثوا معايا ليه، عشان خاطر أمي، ولا عشان البلد"، مضيفًا "محدش سأل فيا ولا عبرني، هي البلد بتاعكم ولا إية؟ البلد الشعب.. اللي يقدر يخدم البلد يخدمها، في النهاية كله بيصب في مصلحتكم، أنا مش عايز أقعد جنبكم وأتصور، أنا بس عاوز اشتغل".
وتحدي عكاشة السلطات، قائلًا: "لو أنا بقول حاجة غلط، عاوز الدولة تطلع بيانات تغلطني.. مصر محاصرة سياسيًا واقتصاديًا وعسكريًا، في مياة سد النهضة، وحروب الجيل الرابع مازالت مستمرة في مصر"، قاسمًا على القرآن الكريم بأن ما قاله صحيح.