رسائل السيسي ل«استراتيجية 2030».. «صبح على مصر بجنيه»

أعلن الرئيس عبد الفتاح السيسي، اليوم الأربعاء، تدشين استراتيجية التنمية المستدامة «مصر2030»، بمسرح الجلاء، في حضور عدد من الشباب، وشخصيات عامة ومتخصصين في المجالات المختلفة.
تنقسم الاستراتيجية إلى 12 محورا رئيسيا تشمل، التعليم، والابتكار والمعرفة والبحث العلمي، والعدالة الاجتماعية، والشفافية، وكفاءة المؤسسات الحكومية، والتنمية الاقتصادية، والتنمية العمرانية، والطاقة، والثقافة، والبيئة، والسياسة الداخلية، والأمن القومي، والسياسة الخارجية، والصحة.
«السيسي» وجه رسائل ذات مغزى في كلمته بالمؤتمر، إلى الحكومة والشعب المصري والإعلام خلال كلمته بالمؤتمر، يرصدها التقرير التالي..
- «اسمعوا كلامي أنا بس».
- «أنا عارف مصر وعلاجها، لو سمحتوا متسمعوش كلام حد غيري، أنا لا بكذب ولا ليّا مصلحة غير بلدي، أنا فاهم أنا بقول إيه».
- «خلي بالكو.. خلي بالكو، محدش يفكر إن طولة بالي وخلقي الحسن معناه إن البلد هتوقع، اللي هيقرب ليها هشيله من فوق وش الأرض، إنتو مين؟».
- «ال 456 ألف شقة في مشروع الإسكان مش كفاية.. إنتوا فاكرين أنا هسيبها، لا والله أنا هفضل ابني فيها وأعمر فيها حتى تنتهي يا حياتي يا مدتي».
- «50 % من مساحة مصر عشوائيات، في ناس بيعايرونا بفقرنا.. بس أنا مش هسكت».
- «والله العظيم لو ينفع أتباع هتباع.. ده لو كل يوم كل مصر يصبح على مصر بجنيه في الشهر هنجمع 300 مليون جنيه».
- «لو كل واحد من العشرة مليون اللي معاهم موبايل صبح على مصر بجنيه، هنجمع 30 مليون جنية في الشهر يعني 4 مليارات في السنة».
- «أنا كمان قلقان من فقر المياة، وإحنا بصدد عمل محاطات معالجة خلال سنتين بحجم مياه قد اللي كانوا موجودين في 20 أو 30 سنة، في كلام من منظور الأمن القومي على سد النهضة لا يحق لي قوله.. مش فيّ سد بيتعمل، وهنتفق على عدد سنين معينة لملء السد، من فضلكم اللي يتكلم يعرف ويدرس الأول.. اللي مش عارف تعال لي وأنا أقولك».
- «إنتوا هتعرفوا أكتر مني الحكومة دي كويسة ولا لأ!.. أنا بقعد معاهم كل يوم ومش هتكلم على الإعلام».
- «إحنا في ظروف صعبة.. حافظوا على مصر.. عندما كنت مديرا للمخابرات كنت أعلم ما يوجد لدى الإرهابيين في سيناء، لكن المجابهة بدأت بعد 30 يونيو، وهما اللي بدأوا.. كان ممكن نعيش مع بعض».
- «ما تحقق في عام ونصف ما كان ليتحقق في 20 عام».
- «لو اتنفذت الخطة اللي قلت عليها من سنة ونص وتحديدا في دمياط.. كنا سلمنا الشباب دلوقتي ألف ورشة للشباب هناك.. وأنا هعمل على قديمه وهعمل جديد».
- «اللي وقع الطائرة الروسية فوق سيناء كان يقصد ضرب السياحة.. القصد الحقيقي من الحادث ضرب العلاقة مع روسيا لعزل مصر عن العالم».
- «تم الاتفاق مع المستثمرين لتكون العمالة بكل المشروعات مصرية خالصة لتوفير فرص عمل للمصريين.. محمد علي عندما تولى مصر بقي 45 عامًا يبني مصر.. والجيش بناه بعد 11 عامًا».
- «مشروع ال 100 ألف شقة اللي كان فيه السجادة الحمرا.. كان ب 16 مليار جنيه».
- «هناك 7 ملايين موظف حكومي.. مليون منهم كفاية».
- «لسه بدري أوي علشان تبتدوا ممارسة الديمقراطية بالمعنى المفتوح.. حافظوا على مصر والتوافق المجتمعي ده».