تامر أمين: «الشمال كتر أوي..اللي جمبه شقة سيكو سيكو يبلغ عنها وميبقاش سوسن»

قال الإعلامي تامر أمين، اليوم الجمعة، إن كثير من النوادي الصحية تكون بمثابة ستارًا لأعمال الدعارة المنافية للآداب، مضيفًا: «اللى شايف في شقة بجانبه فيها إرهابيين، أو شقة (سيكو سيكو) يبلغ عنها، عشان منبقاش كلنا (سوسن)، عايزين يبقى عندنا شوية نخوة واحترام».
وأشار أمين، خلال تقديمه برنامج «الحياة اليوم»، عبر فضائية «الحياة»، إلى واقعة تمكن الإدارة العامة لمباحث الأموال العامة، من ضبط موظف بنقابة المهن الرياضية متلبسًا بتقاضي مبلغ 50 ألف جنيه، على سبيل الرشوة بالصوت والصورة، من طبيب بشري، مقابل إنهاء إجراءات تجديد ترخيص نادي صحي يملكه، معلقًا: «لازم نفوق عشان الشمال كتر أوي في البلد دي».
وتابع: «المجرم دايمًا بيبقى ذكي ويفتكس، شغل الدعارة بتاع الشقق القديمة بتاعت زمان خلاص مبقاش موجود، الدعارة دلوقتي لها أشكال جديدة، مفيش حاجة اسمها نادي صحي، واحد واحدة يكونوا مع بعض في أوضة واحدة، إحنا مش في الهونولولو».