فيديو.. خيري رمضان: «شادي حسين يسعى لبطولة.. ولو جدع ينزل الشارع»

هاجم الإعلامي خيري رمضان، اليوم الخميس، شادي حسين، مراسل برنامج «أبلة فاهيتا»، بطل واقعة «الواقي الذكري»، مؤكدًا أنه مندفع نحو صنع بطولة، قائلًا: «شادي يقول أنه هيتسجن وبتاع.. حد قربلك يا عم، حد كلمك، إنت مش بتطلع على قنوات إخوانية إنت وأختك وبتقولوا اللي إنتوا عايزينه، عايز إيه تاني».
أضاف رمضان، خلال تقديمه برنامج «ممكن»، عبر فضائية «سي بي سي»، «إنت مش اختارت إنك تكمل على الموقف ده، كمل فيه بقى، ومن يريد أن يأخذ حقه بالقانون يروح ياخده، واللي عايز يتجاهله يبقى أفضل، لأن الموضوع كله ميستهلشي».
تابع: «نفسي شادي ينزل الشارع يشوف الناس هتقابله إزاي، لو جدع فعلًا ينزل يشوف غضب الناس إزاي، وهو حر في موقفه ويدفع ثمنه، ومش لازم يكون ثمنه السجن، يكفي ثمنه من المجتمع».
أكد رمضان، أن الفنان الشاب أحمد مالك، شريك «شادي» في الواقعة، لا يتساوى معه ولا ينبغي أن نضع الإثنين في سلة واحدة، مضيفًا: «مالك اعتذر، وشادي لا يرى أنه أخطأ، بل على العكس مُصر على أن ما فعله صحيح».