عضو «معاق» بالمصريين الأحرار: «أمين شرطة قلعني البنطلون والبوكسر في كمين بحجة التفتيش»

قال أحمد يحيى، مسئول إداري بحزب المصريين الأحرار، اليوم الأربعاء، إنه أثناء ذهابه لمدينة شرم الشيخ، فجر 25 يناير الماضي، طلب منه أحد أمناء الشرطة بكمين «عيون موسى»، «قلع» البنطلون ثم «البوكسر»، لإجراء بعض التفتيشات.
وأضاف «يحيى»، خلال مداخلة هاتفية مع الإعلامي جابر القرموطي، ببرنامج «مانشيت»، عبر فضائية «أون تي في»، «أمين الشرطة طلب مننا بطاقات الرقم القومي، وأعطيناها له، ثم طلب منا النزول من الأتوبيس لإجراء بعض التفتيشات، فلم يعترض أحد نظر لظروف البلد الأمنية، وحينها طلبت منه أن أجلس حتى ينتهي من إجراءاته لأني من متحدي الإعاقة».
وتابع: «قالي أخلع الجاكيت، وخلعته، قالي طيب أقلع البنطلون عشان أفتش اللي تحته، رفضت وبعدين قولت مش مشكلة، وبعدها قالي أنه هيفتش في (البوكسر) نفسه، قولتله مينفعش، قالي هفتش وإن كان عندك اعتراض قول، وقعد يستهزأ بيّا عشاني معاق، قولت إني لو اعترضت هيلبسني أي حاجة، ونفسي صعبت عليّه، قعد كل ده وفي ضابط قاعد وشايفه بيعمل معايا كده».