الباجوري ينفي تقاضي مني زكي 3 ملايين جنيه نظير إعلان «بهية»

نشرت إحدى الصحف خبر عن تقاضي بعض الفنانين مبالغ كبيرة في الإعلانات التي تدعو إلى التبرع للمستشفيات والتي عرضت خلال شهر رمضان.
وجاء في الخبر أن الفنانة مني زكي تقاضت 3 ملايين جنيه نظير إعلان مستشفي بهية، وتقاضي الفنان احمد السقا وهند صبري 4 ملايين نظير إعلان مستشفي سرطان الأطفال.
المخرج هادي الباجوري نفى الخبر وقال على صفحته الشخصية بموقع التواصل الاجتماعي "فيس بوك": "الكلام ده غير صحيح، أنا اللي عامل إعلانات بهية ومني زكي ماخدتش ولا مليم، بطلوا كدب بقى".
أما المخرج عمرو سلامة فذكر على صفحته الشخصية بموقع التواصل الاجتماعي "فيسبوك": "الفنانين اللي في الخبر ده كلهم ماخدوش جنيه، وكلهم عملوا الإعلانات ديه تطوعًا وأنا تأكدت بنفسي، أنا عايز أفهم إزاي صحفي يتعمد فبركة خبر زي ده من العدم، وإزاي ما فيش أي وسيلة لمحاسبته".
وأضاف سلامة: "وياريت أي حد بيشير حاجة من الواضح إن مالهاش أي منطق كده يستذكى وحياة أبوه مش ناقصة غباء، ده حتى بالعقل كده، لو بيعملوا إعلان لبيبسي أو فودافون مش هاياخدوا الأرقام ديه، غير إن خبر زي ده ممكن يخوف الفنانين قدام من إنهم يعملوا خير ويساندوا الإعلانات اللي ليها أهداف إنسانية، ملحوظة: يا ريت ماتشيرش الخبر لوحده بدون الإشارة لإنه كاذب لإنك كده هاتنشره أكثر".