«أنا أسف يا ريس»: هو أنتم عملتو الثورة ليه ؟؟!!

عيش، حرية ،عدالة إجتماعية ، هى أهم المطالب التى خرجت بها ثورة ال25 من يناير 2011 وهتف بها الشباب: «الشعب يريد أسقاط النظام »، وبعد مضي ما يقارب العامين على الثورة وبعد النجاح من التخلص من نظام فاسد جاءت الثورة برئيسها الجديد بعد أنتظار طال كثيرا وهو الرئيس الحالي د.«محمد مرسي».

وكانت ادارة صفحة «أنا أسف يا ريس » على موقع التواصل الاجتماعي «الفيس بوك» أشد الرافضين للثورة منذ بدايتها وحت الان ن فخرجت الادارة مساء أمس الخمي ببيان للتاريخ على حد قولهم موجه للثوار جميعا.

وذكر البيان النتائج التي جاءت بها الثورة وكأنها تسخر من الثوار فمن ضمن هذه النقاط التي ركزت عليها البيان «عملتوا ثورة علشان بناتكم تتجوز فى سن ال9 سنين؟»،«عملتوا ثورة علشان تغلقوا محالات أكل العيش»،«-عملتوا ثورة علشان تقفلوا الجرايد والصحف؟»،«-عملتوا ثورة علشان تقفلو القنوات وتحبسوا الاعلامين؟»،«عملتوا ثورة علشان متلاقوش البنزين ؟» ، «عملتوا ثورة علشان أسرائيل تبقى صديقتكم الوفية؟».

ولم يكتفي البيان بهذا فذكرت جميع أخطاء النظام الحالي الذي جاءت بيه الثورة على «حد قولهم»، فأضافة له هل أنتم فعلتم ثورة من أجل«-عملتوا ثورة علشان نشحت من الدول؟»، «-عملتوا ثورة علشان تخرجوا الارهابين اللى بيقتلوا فى جنودنا؟»، «-عملتوا ثورة علشان مصر تورث للأخوان؟» ،«-عملتوا ثورة علشان تقتلوا جنودنا على الحدود؟» ،«عملتوا ثورة علشان تبقوا كفار وملحدين لما تعارضوا مرسى؟» ، «عملتوا ثورة علشان المنجا ترخص والخضار يبقى أغلى من التفاح؟» ، «-عملتوا ثورة علشان بناتكم يتقص شعرهم فى المدرسة علشان مش محجبين؟» ، «-عملتوا ثورة علشان تحطوا تاريخ “حسن البنا” فى المناهج الدراسية؟». «-عملتوا ثورة علشان اللى يعارض مرسى يسجن بتهمة أهانة الرئيس؟» .
وأختتم أعضاء الصفحة البيان بعبارة موجه للشباب : لو هى دى نتائج ثورتكم فأحنا فخورين بالثورة اللى خلصت الرئيس مبارك منكم وفخورين بخروج الرئيس مبارك من السلطة ..!!

بوست للتاريخ || من إدارة أسف ياريس علشان كده عملتوا ثورة..!!؟
———————
1-عملتوا ثورة علشان بناتكم تتجوز فى سن ال9 سنين؟
2-عملتوا ثورة علشان تناقشوا جماع الوداع؟
3-عملتوا ثورة علشان تغلقوا محالات أكل العيش وتفتحوا الكباريهات؟
4-عملتوا ثورة علشان تقفلوا الجرايد والصحف؟
5-عملتوا ثورة علشان تقفلو القنوات وتحبسوا الاعلامين؟
6-عملتوا ثورة علشان متلاقوش البنزين ؟
7-عملتوا ثورة علشان تدفعوا ضرايب على التكيف وراديو السيارة ؟
8-عملتوا ثورة علشان أسرائيل تبقى صديقتكم الوفية؟
9-عملتوا ثورة علشان تخرجوا الارهابين اللى بيقتلوا فى جنودنا؟
10-عملتوا ثورة علشان تنهض غزة ومصر تموت؟
11-عملتوا ثورة علشان نشحت من الدول؟
12-عملتوا ثورة علشان نقترض من صندوق النقد الدولى؟
13-عملتوا ثورة علشان سيناء تبقى أمارة أسلامية ؟
14-عملتوا ثورة علشان مصر تورث للأخوان؟
15-عملتوا ثورة علشان تقتلوا جنودنا على الحدود؟
16-عملتوا ثورة علشان قوات الامن تفتش المصلين فى المساجد؟
17-عملتوا ثورة علشان محافظ كفر الشيخ يسيب عليكم الكلاب؟
18-عملتوا ثورة علشان تبقوا كفار وملحدين لما تعارضوا مرسى؟
19-عملتوا ثورة علشان 100 يوم وهمية؟
20-عملتوا ثورة علشان المنجا ترخص والخضار يبقى أغلى من التفاح؟
21-عملتوا ثورة علشان بناتكم يتقص شعرهم فى المدرسة علشان مش محجبين؟
22-عملتوا ثورة علشان تحطوا تاريخ “حسن البنا” فى المناهج الدراسية؟
23-عملتوا ثورة علشان مرسى يهدم دولة القانون؟
24-عملتوا ثورة علشان سعر أنبوبة البوتجاز تبقى ب100 جنية؟
25-عملتوا ثورة علشان تبقى الزبالة مليانة الشوارع؟
26-عملتوا ثورة علشان تكرموا قاتل السادات فى حرب أكتوبر؟
27-عملتوا ثورة علشان الكتاتنى يستولى على سيارة مجلس الشعب؟
28-عملتوا ثورة علشان على ونيس يتمسك فى الطريق الزراعى؟
30 – عملتوا ثورة علشان علياء المهدى تقلع ملط؟
30-عملتوا ثورة علشان اللى يعارض مرسى يسجن بتهمة أهانة الرئيس؟
لو هى دى نتائج ثورتكم فأحنا فخورين بالثورة اللى خلصت الرئيس مبارك منكم وفخورين بخروج الرئيس مبارك من السلطة ..!!