استنكر الإعلامي جابر القرموطي، اليوم الأربعاء، اختيار الاتحاد المصري لكرة القدم الأرجنتيني هيكتور كوبر، لقيادة منتخب مصر خلال الفترة القادمة، لما أسماه، عدم امتلاكه تاريخ كروي جيد، ينبأ بقدرته على إخراج الفراعنة من كبوتهم. وقال القرموطي، خلال برنامجه "مانشيت"، المُذاع على قناة "أون تي في" :"المنتخب خد على قفاه من برادلي وغريب، لأنهم محققوش نتائج إيجابية مع المنتخب، التاريخ الشخصي لكوبر بيقول أنه لم يتولى تدريب أي منتخب منذ عامين، وأُقيل من قيادة فريق نادي الوصل الإماراتي، فمافيش أي حاجة في السي في بتاعه بتقول إنه يستطيع عمل حاجة كويسة". وأضاف القرموطي موجهاً حديثه الى الجبلاية:"هو إية حكاية التجربة اللي إنتم شغالين بها ديت؟!، وهو كوبر ده جاي يحلق شعره، علشان يجرب وبعد كده يطلع له شعر، إحنا معناش فلوس علشان نعمل تجربة، المنتخب بيعاني من كبوة ولازم يخرج منها".