فيديو| تامر أمين لعمرو عبدالحميد: «أنا مش عايز اشتمك.. بس دي التافهة»

علّق الإعلامي تامر أمين، على تصريحات عمرو عبدالحميد، المُذيع بقناة الحياة، والتي عبّر فيها عن استياءه الشديد من طريقة استقبال الإعلاميين في قصر القبة، الذين تواجدوا لتغطية المباحثات "المصرية - الروسية"، خلال زيارة الرئيس الروسي فلاديمير بوتين لمصر.
وقال أمين، خلال حلقة الخميس، من برنامجه، من الآخر، المُذاع على فضائية روتانا مصرية، "السفير الروسي النهاردة قال إن عزف النشيد كان بطريقة مقبولة جدًا، وإن الإعلام الروسي مش لقيين شيء وحش في الزيارة فقالوا يطلعوا فيها أي عيوب وخلاص، وبالتالي مفيش أي داعي لما يُثار في الإعلام المصري، هو إنتوا يا إعلاميين عازين إيه؟ هو إحنا بندور على اللي يشوه وخلاص؟ عايزين ناخد إحنا تشجيع والبلد تتحرق في ستين داهية مش مهم؟".
وأضاف، "طيب ما أنت عندك مشاكل كتير تانية في الحياة، انقضها، لكن إنت عايز تشوه الزيارة، عايز تشوه صورة بلدك وخلاص، أو عايز يتقال عليك جبت التايهة، لا إنت مجبتش التايهة، إنت جبت التافهة، وأنا مش عايز اشتمك، بس إنت بتدور على التافهة".
وكان الإعلامي عمرو عبدالحميد، قد قال في حلقة أول أمس، من برنامجه، الحياة اليوم، في فضائية الحياة، "أنا والزملاء الإعلاميين الروس، تواجدنا بقصر القبة منذ الساعة العاشرة والنصف صباحًا، داخل مكان أشبه بالبدروم، وهو مكان لا يليق بقصر القبة، قصر الحكم في مصر، قعدنا في المكان ده لأكثر من 5 ساعات من غير أكل ولا شرب، وفي الآخر حضر شاب يحمل بعض الحلويات وقدمها لنا، وظنَّ الإعلاميين الروس أنه واجب ضيافة من الرئاسة المصرية، حتى تفاجأ الجميع بعد ذلك بأن الشاب يبيعها لهم ب 5 جنيهات".