تعويذة ملك الشام

تحية إلى المطرب الشهيد إبراهيم قاشوش والرسام المناضل على فرزات
فى قصر ملك الشام
عاكف على التعاويذ
ساحر خسيس لابساه
سحنة شيطان يا حفيظ
واقف ف قلب الليل
برجل حافر خيل
والتانيه رجل معيز
ماسك كتاب مخطوط
إيده الشمال شايلاه
ف القبو كان محطوط
من عهد شاهنشاه
قدامه فوق النار
طاجن من الفخار
جواه بيغلى حساء
مخصوص لحفل عشاء
القائد المغوار
بجماجم الشهداء
مع ألف صنف بهار
وضفر قرد يتيم
ورمش سبع لئيم
جايب لعيلته العار
وصباع لرسام حر
رسومه سيف بتار
وحنجرة مطرب
بيغنى للأحرار
...
تعويذه ملعونه
الساحر الغدار
لقاها مدفونه
فى داره تحت جدار
عنده أمل تحميه
وتدارى على بلاويه
بس التاريخ بيقول
النصر للثوار