بالفيديو.. نائب رئيس النور: الإخوان هدفهم إحداث فجوة بيننا وبين الشعب

قال أشرف ثابت نائب رئيس حزب النور، إن جماعة الإخوان المسلمين تريد أن يضع حزب النور في نفس الخندق معهم، وذلك لإفشالهم سياسيًا، تمهيدًا لعودتهم مرة أخري للحياة السياسية، بعد 5 أو عشرة سنوات.
وأوضح ثابت خلال لقائه أمس ببرنامج «كلام تاني»، المذاع عبر فضائية «دريم»: «الإخوان عايزين يخللوا السلفيين في نفس الخندق بتاعهم، أنا في ناس سألتني، لو إحنا نازلين يوم 28، قلت لهم لأ، وبدأت أفهمهم، فالغرض موجه للمجتمع لإحداث الفجوة بين السلفيين وبين باقي شرائح المجتمع اللي هي بتحبك وبتحترمك وبتقدرك، وربما اللي بتدي صوتها للسلفيين في الانتخابات».
وأضاف: «الحاجة التانية إن الفعاليات دي لو جه يوم 28 وحصل دربكة وناس ماتت، مين اللي هيدفع الفاتورة، السلفيين، وممثلهم حزب النور».
وتابع ثابت: «أنا شايف إن جماعة الإخوان حريصة تماما إن هي تكون الممثل الوحيد للتيار الإسلامي، لغاية أما ييجوا بعد 5 سنين أو 10 سنين».
واختتم حديثه قائلا «إحنا مستهدفين، بنسبة كبيرة جدا، والإخوان كان الهدف عندهم، أولا فوز مرشح الحرية والعدالة، ثانيا، إسقاط مرشح حزب النور».