بالفيديو.. «السيسي»: «هذا الشعب لم يجد من يحنو عليه»

قال الرئيس عبدالفتاح السيسي، اليوم الاثنين، إن قرار الحد الأدنى للأجور استفاد منه «الملايين في الحكومة، وفي القطاع الخاص الناس ظبطت أمورها على المرتب ده»، مضيفَا: «مفيش إجراءات عملتها وزارة التموين عشان تقلل على الغلبان لأنه صاحب الفيلا بيدعم من الحكومة ب4 آلاف جنيه، القادر ياخد 4 آلاف و5 آلاف، والمسكين ياخد 50، واللي راكب عربية تمنها مليون جنيه ونص مليون جنيه، أديله 4 آلا ف جنيه مش أنا اللي بديله، مصر اللي بتديله».
وتابع السيسي، في خطاب وجّهه إلى الشعب بمناسبة ذكرى العاشر من رمضان: «مفيش شك إن فيه ناس بستغل ده بشكل مش جيد، وقلت مرة إن هذا الشعب لم يجد من يرفق به أو يحنو عليه، هو أنا لما أكون بياع أو راكب عربية واضغط على أخويا الغلبان على حساب ظروفه هو، أنا ما رحمتوش انا ماخلتش بالي منه، أنا بحبه صحيح، واستغليت إن فيه مبرر هزود جنيه لا هزود 3 جنيه، ولازم نكون واخدين بالنا يا مصريين وإن مصر قامت هتقوم بينا كلنا وإن شاء الله هتقوم بينا كلنا»