سيدات بورسعيد ترددن «اعمل راجل على الصبية وعلى الحدود اعمل ولية»

تظاهر العشرات من السيدات مساء أمس الثلاثاء أمام نقابة المحامين ببورسعيد للتنديد باستخدام المجلس العسكرى للعنف وحدث تعرية فتاة مجلس الوزراء .
ورفعوا لافتات عليها «طفى النور يا بهية كل العسكر حرامية» والبنات قالت كلمتها المجلس تحت جزمتها ويا عسكر يا اوباش المصرية ما تتعراش وارفع كل رايات النصر دول بنات بتحرر مصر و بدلة جيشك مش حتفيدك عند البنت هتقطع إيدك و انزلو من بيوتكم طنطاوى عرى بناتكم ورجالتنا برقابتكم وقفوا معانا وستروا بناتكم وشباب ثورتنا رجالتنا أما العسكر بقوا خيبتنا والجيش حمى الثورة وعرى بناتك يا مصر و الجندية شرف ورجولة واتعريتوا وبانت الفولة وسامع بنت هناك بتنادى خطفوا عرضى وشدوا حجابى وقول متخافشى المجلس لازم يمشى وجيش طنطاوى يا جيش العار تفرق إيه عن جيش بشار و اه يا مجلس يا جبان رجالتنا فى الميزان واه يا عسكر يا خسيس لحم بناتنا مش رخيص وياواطى هنحمى العرض ومش هنطاطى ودم مصر مش ببلاش وبنات مصر متتعراش ودول مش جيشنا دول بلاوى دول كتائب الطنطاوى و انتوا معاكم ضرب النار واحنا معانا الجبار ورد نساء مصر مش قابلين اعتذار العسكرى وهتك العرض مش هزار وثورتنا العسكر سرقوها و الشباب هيرجعوها وعلى صوتك على كمان ضد كل كلب جبان»
وهتفت السيدات نشيد بلادى وهتافات اخرى «احلقوا شنباتكم طنطاوى عرى بناتكم و يالى واقف فى الشباك بكرة اختك تبقى هناك وقالوا رحيله هيعمل أزمة ارحل يا ابن الجزمة واللى بيحمى حسنى مبارك عمر ما يحمى دارى و دارك والشعب يريد اعدام السفاح وعلى البنات عاملين اسود و بيتسحلوا على الحدود ويا رجالة فينك بنات مصر اتعروا من غيرك وقالوا حرية وعدالة البسوا أسود على الرجالة واعتقلونى مش هتشوفوا الخوف بعيونى ويا طنطاوى يا وزير مبارك دور الثوار مش دورك واشهد يا زمان جاى يحكمنا رئيس أركان و البلطجى ابو درع و شومة اللى يقول على نفسه حكومة ومش هنساها طول حياتى بينا وبينكم عرض أخواتى واعمل راجل على الصبية وعلى الحدود اعمل ولية وقتلوا أخواتهم على الحدود وهما بيحموا فى اليهود
بينما هاجمهم عدد كبير من المواطنين واتهموهم بأن أهدافهم خراب مصر وزعزعة الأمن ودخول أمريكا وإسرائيل لاحتلال الدولة وأنهم عملاء لهذه البلاد وقذفوهم بوابل من الشتائم .
وردت عليهم السيدات بوضع لاصقات سوداء على فمهن للتأكيد بأنهن لن يتحاورن معهم.