أحلام الفتى الطائش

دائما ما تكون احلام الفتى الطائش احلام مستحيلة ونظرا لطيشة ولعدم حسابه اى حساب فأنه يتصرف بقلة عقل وافتقار للمنطق مثال الفتى الطائش امين لجنة السياسات بالحزب الوطنى
احلامه فى منتهى الطيش فهو لم يحلم بإن بابا حسنى يجيبله بسكلته ولا الشعب يهاديه بجوز شربات دا طلع داخل على طمع وما استنكره انه داخل على طمع بمنطق الطائش اعتقد لو كان فتى عاقل لكان اخذ بالمثل اللى بيقول ان جالك الغصب اعمله بنفسك ومتخليش شكلك بايخ قدامى مثلا الوالد لو غير الدستور وحضرتك ترشحت مثلك مثل اى مواطن ممكن وقتها نفكر نحترمك مع انى كل ما افكر فى الحكاية ديه بتجيللى زغطه بس على شرط بابا يكون خرج من الخدمة ما هو اصل الدم بيحن والاب مزور لارادة الشعب والدليل النعمين واما نعيمة تشهد وقصة اما نعيمة مشهورة ولمن لا يعرفها فهى عبارة عن نكته تناقلها الشعب على الموبايل وكانت ايام استفتاء الفته باللحمه الضانى سنة 2005 ونصها كان ان الرئيس مبارك يشكر جميع من قالوا فى الاستفتاء نعم ويخص بالشكر اما نعيمة لانها قالت نعمين وهذا مفداه تقدير الريس الجم للتصويت بنعمين فدائما ما تكون النكته نابعة من حس شعبى حقيقى ومواقف واقعية رأها رؤى العين فيتندر بها نرجع لمرجعونا الريس خلاص اللى جاى فى عمره ان شاء الله مش قد شهر عدى هانت ادعوا انتوا معايا بضمير فى رمضان تكون زيارته لفرنسا و منها لواشنطن اخر الاحزان والطيارة تاخده وتنزل فى المحيط ويبقى عاش ومات طيار والموته تبقى شاعرية وتليق باسطورة الاساطير هركليز حرامى المعيز الاسطورة اما عن الفتى الطائش فهو كما اتفقنا قبل ذلك عليه غباوة لا تكيل بالبتنجان يعنى مسألة توليه الحكم اصبحت من الاساطير بتاعة بابا حسنى ممكن نحكيها للاولاد قبل النوم لما نحب نعكنن عليهم او نخوفهم علشان يسمعوا الكلام ونقول لو مشربتوش اللبن وغسلتوا رجيلكوا قبل ما تناموا هنجيبلكم الاسطورة بابا حسنى وولده جمال خلاص ابو رجل مسلوخه والاشكيف المخيف راحت عليهم احنا عندنا اساطير جديدة بالتأكيد فى ناس هتفتى وتقول التوريث قادم لا محالة انا بقول مش هيحصل ان شاء الله والتغيير قادم لا محالة والسبب الشباب والدليل الاحداث الجارية مشروع التوريث كان ماشى حلاوة لحد ما الشباب نزل الشارع ومبقاش لا ظابط يخوفه ولا امين يهوشه عرف جمال وقتها ان محدش بياكلها بالساهل وان شاء الله مش هياكلها ابدا وبدأ بقى فى اطلاق امثال الكردى فى الشارع ولاول مره يطلع يتحفنا فى توك شو متكاجول انا كلى ثقة ان الريس لن يغير مواد الدستور وباقى لاخر نفس وجمال لن يتنازل عن التوريث ونحن لن نورث بعد اليوم وان كان جمال تخلى عن الطيش فليقنع والده بتغيير الدستور ونزاهة الانتخابات ويسترجل وينزلها عادى من غير حصانة وصلاحيات ووقتها نسيب الحكم للجمهور انا عن نفسى لو نط الحبل واتشقلب على دماغة وغير كتاب القانون كله مش المادة 76 و77 و88 لن اختاره لانه الفتى الطائش استرجل يا فتى واركب الطياره مع بابا فى رحلته واوعى ترجع هنا تانى مصر مش لعبة يا شاطر