مشروع موائد الإفطار فى شهر رمضان من اجل الثواب والتغير

التفكير بشكل عملى والنزول الى الشعب هو الركيزة الاساسية لعملية التغيير بمعنى ان طول لما النخبه بعيد عن الشعب وكل ما رموز التغيير بعيد عن الشعب كل لما الشعب يفقد ايمانه بالتغيير وهذا ما لا نريدة احنا باختصار عاوزين ننزل للشعب ونخلى الشعب يحس بينا مش مجرد كلام بيقرأة فى الجرايد وخلاص
وعلشان كدة فكرت فى مشروع نبدء به فى رمضان باذن الله هو مشروع موائد الافطار فى رمضان فى كل محافظات مصر من الاسكندرية الى أسوان من اجل هدفين أساسيين الثواب اولا ثم التغير ثانيا وسيكون فرصة عظيمة لجمع شمل الجمعية الوطنية للتغيير وأعضائها ونبذ أى خلافات بينهم لانها بالقطع ليست فى مصلحة التغير المهم هنبدء المشروع ازاى
1- النخبه لازم تتجمع من تانى وتتفق على عمل خيرى يراه الناس بأعينهم ويشعر به الفقراء
2- كل فرد من النخب مسئول للتنسيق مع حملتة للوصول لتحقيق اهداف المشروع ويمكن تقسيم مصر الى محافظات وكل رئيس حملة يأخذ عدد من المحافظات ويبدء العمل فيها
3- بعد موافقة النخبه على كل فرد فى الجمعية الوطنية للتغير سواء كان من حملة الدكتور البرادعي أو من حملة حمدين صباحي أو مع حملة أيمن نور التبرع بمبلغ بسيط او كبير فكل على قدر إستطاعته ولا يسلم المبلغ إلا بإيصال من الجمعية الوطنية للتغيير ومن أشخاص يثق بهم
4- الأتفاق مع متعهدي تجهيزات غذائية لعمل الافطار فى حدود 1000 شخص يوميا أو يزيد أو يقل ولكن قدرة الاستيعاب تكون فى حدود الالف شخص
5- بعد الإفطار يوميا ممكن نتكلم مع الناس فى حدود العشرة دقائق للوصول الى التوقيع على بيان التغير أو العمل على زيادة وعيهم السياسي وشعورهم بالمشكلة
6- عملية تدوير النخبه على موائد الرحمن فى كل المحافظات عملية مهمة جدا ليتعرف الشعب على الرؤساء المرشحين أو رموز التغير بمعنى ادق