الأهلي اليوم : أسباب تقديم فريق الأهلي أداء ممتع مع رينيه فايلر

الأهلي اليوم : أهلي فايلر.. ممتع! قد يكون العنوان سطحي أو ممكن يُساء فهمه.. لأن ناس كتير بتقتصر المتعة في الوان تو و الكعب والترقيصة وال R2 و ده طبيعي بالنسبة لجمهور الكرة منذ قديم الأزل اللي بالنسباله اللمسة الحلوة أهم من الكلام عن التاكتيكس و الشغل الجماعي أهلي فايلر ممتع لأن لمسة المدرب مميزة
الأهلي اليوم : لمسات فايلر سبب أداء الأهلي
الأهلي اليوم : تعرف منين إذا كانت لمسة وبصمة مدرب فعلًا ولا حلاوة روح البدايات و عشان مضحكش على نفسي و عليكم انا كمان أحيانًا كنت بتخدع من حلاوة روح البدايات مع مدربين كتير و عشان كدة انا بتعلم معاكوا و بحاول أنقلك اللي اتعلمته.. المهم نرجع لسؤال تعرف منين اذا كانت بصمة مدرب ولا حماس البدايات ؟ تعرف الفرق من كلمة واحدة بس، التنظييييم
الأهلي اليوم : أهلي فايلر ممتع لأنه منظم، الضغط العالي منظم و جماعي مش فردي، إستخلاص الكورة في ثواني بعد فقدانها بيحصل بتنظيم لأنه بيتكرر مش بيحصل مرة و خلاص، تدوير الكورة والاستحواذ و الحركة بدون كورة و خلق المساحات بتتم بتنظيم مش بعشوائية.. طيب عرفت ازاي ؟ برده لأنها بتتكرر يا صاحبي مش بتحصل مرة بتجليات فردية و خلصت على كدة وخلاص..
الأهلي اليوم : على سبيل المثال لقطة الجول الأول و التاني كربون، آجاي بيتحرك على الأطراف و يسحب معاه مدافع و رمضان صبحي بيتحرك من غير كورة في العمق و بتتلعبله الكورة و بغض النظر ان اللعبتين خلصوا بجولين لكن الأهم ان الحركة بدون كورة خلقت مساحة و المساحة حد اتحرك فيها و الجملة اتكررت.. تصرف اللاعيبة بقى دي بتاعة اللاعيبة بنسبة كبيرة.