تقاسيم ابو جلال (على مهلك يا طلبة )

ابو جلال للى ما يعرفهوش اهلاوى صميم راجل يقول الحق ولا يهموش

وابو جلال بيقول :

عصام عبدالمنعم : جربنا الدورى بتاعك قبل كده ياكابتن شد حيلك .... وان كان على المصرى سيبه يلعب

حمادة طلبة : على مهلك شوية يا كابتن لما تاخد ست نقط من تشيلسى ومازيمبى ابقى ارفض يا سيدى براحتك

النادى الاهلى : حفظتم ماء وجه الكرة المصرية بعد فضائح السبت الاسود .... كملوا جميلكم بقى

وليد سليمان : لوهتفضل على كده ممكن تاخد احسن لاعب فى افريقيا .... قول يارب

حسن شحاته : معلهش يا ابو كريم اللى قبلنا قالوا ... لا كرامة لمعلم فى وطنه

عماد متعب : الناس بتحبك واللى اتقال من العشم ... ما تزعلش ... مستنيينك فى المنتخب

البرازيل واليابان : انا قربت اصدق حكاية لعنة الفراعنة .... انتوا الاثنين تخرجوا !!!! .. عجبى