الأهلي نيوز : تضارب تصريحات الغندور .. وريان يحتاج لفرصة في الأهلي

الأهلي نيوز : مباراه واحده تفصل الأهلى عن اللقب 41 أن شاء الله الأهلى يفوز ويحتفظ بالدرع … في لقاء الزمالك والجونة 6 دقائق وقت بدل ضائع والهدف فى الدقيقة 97 و وجماهير الزمالك تتجاهل الأمر ، الأهلى لما أحرز هدف فى الوقت الضائع وقبل انتهاء الوقت الضائع بثلاث دقائق أقاموا لطميات ، خالد الغندور عاوز يعلق فشل فريقه علي فريق الجونه لأنهم لعبوا برجوله وفى نفس الوقت بيطالب المقاولون العرب أنهم يلعبوا برجوله
الأهلي نيوز : تضارب تصريحات الغندور وريان يحتاج فرصة
الأهلي نيوز : احمد ياسر ريان مهاجم ممتاز والأهلى محتاجه افريقيا فى رائي الشخصى صلاح محسن وأحمد ريان لازم ياخدوا فرصه زى ازارو وخصوصا أن صلاح محسن عنده ميزتين أنه سريع يعنى لو لعبت على السرعات حيؤدى دور ازارو ولو لعبته فى الصندوق حيؤدى دور مروان لان بيجيد العاب الهواء بمعنى أن صلاح محسن عنده ميزه ازارو فى السرعات وعنده ميزه ضربات الراس زى مروان يعنى لعيب باثنين ازارو ميزته فى السرعات وضعيف فى ضربات الراس ومروان بيلعب بالرأس كويس ولكن بطئ .صلاح محسن بيجيد الاثنين فلازم ياخد فرصه …
الأهلي نيوز : احمد ريان اثبت انه مهاجم ممتاز فانت محتاجه فى المشوار الافريقي….محمود الجزار مدافع كويس بدل ما تشترى مدافع رجعه من الإعارة…..اكرم توفيق من زمان وانا بقول أنه دفندر كويس وعنده ميزتين ممكن يثبت دفاعيا زى عاشور أو يعمل التكمله الهجومية زى السوليه بدل ما تشترى دفندر (ديانج ) وانت اساسا عندك عاشور والسوليه وحمدى فتحى محمد محمود ونيدفيد أو ترجع اكرم من الإعارة حتلاعب ديانج على حساب مين ؟؟؟؟ كلام عن صفقه مجدى قفشه اعتقد انها صفقه غير جيده لأنه مش لاعب سوبر وخصوصا أنه فضل فلوس بيراميدز على الأهلى
الأهلي نيوز : صالح جمعة ملك خط النصف
الأهلي نيوز : صالح جمعه يلعب على اى صانع لعب ومن بعده ناصر ماهر ولو محتاج لعيب ثالث رجع أحمد حمدى … المستقبل فى اللعيبه دى الى تديلك عشر سنوات انت مش محتاج لاعبين ولا صفقات انت محتاج حارس مرمى مع الشناوى ومدرب حراس مرمى فقط.