الأهلي اليوم : سر أزمة وليد أزارو في الأهلي وأهدار الفرص السهلة

الأهلي اليوم : بدون شك ازارو بيضيع كم من الفرص لا يحتمل .. وفي مباريات الفرص المتاحة للاهلي فيها قليلة جدا .. وازمة ازارو ان فرصه بتبقي سهلة جدا ونسبة احراز الاهداف منها معدي ال95% ، لكن السؤال هل خط هجوم الاهلي مع اسلوب لاسارتي بطريقة 4-3-3 يستحمل مهاجم تاني غير ازارو في ظل المتاحيين مروان محسن او صلاح محسن؟1… تعالوا نحاول الاجابة علي السؤال ده بالتحليل الفني…
الأهلي اليوم : طريقة اللعب تجبر لاسارتي علي أزارو
الأهلي اليوم : الف باء اي طريق لعب من 4-2-3-1 .. او 4-3-3 او 4-3-2-1 … المهاجم الصريح (ST) فيها .. لازم ولابد تكون سرعته بدون الكورة (Pace) عالية .. وسرعته بالكورة (dribbling) عالية برضو ، المهاجم الصريح في الطرق ديه اخر حاجة ممكن نفكر فيها انه يبقي مجرد محطة لعب اللاعب محطة اللعب لازم غصب عنه يبقي طويل .. وطالما اللاعب بقي طويل .. يبقي غصب عنه هيتخلي عن جزء من السرعة .. زي مثلا دجيكو وجيرو ولوريانتي ولابد من توافق سرعة المهاجم الصريح مع الاتنين الجناحات علي الطرف .. الوحيد بس اللي ممكن نتنازل عن سرعته هو صانع الالعاب
الأهلي اليوم : متي نحتاج المهاجم الصريح المحطة ؟ .. في اي طريقة بتعتمد علي اتنين مهاجمين صرحاء خصوصا في 4-4-2 وكل مشتقاتها 4-3-1-2 او 4-1-2-1-2 ، المهاجم الصريح في الطرق ديه هيقدر ينزل الكرة لزمايله في نص الملعب والمهاجم الصريح التاني يقدر يعمل الانطلاقات من وراه وياخد المساحة في ضهره .. لان ببساطة وبالعقل والمنطق استحالة اللاعب المحطة يطلع هو في الهوا ينزل الكورة في التحام .. وبعد كدة يلف بضهره وينطلق باقصي سرعة عشان ياخد المساحة خلف المدافع اللي طلع معاه.
الأهلي اليوم : أزارو مهاجم مهمل في أنهاء الهجمات
الأهلي اليوم : قوة هجوم الاهلي طالما بيلعب باي طريقة بتعتمد علي جناحين ومهاجم صريح واحد تحتاج مهاجم سريع بدون كرة وبكرة .. والاتنين اللي ينفعوا في النقطة ديه حاليا بالترتيب كدة: ازارو وصلاح محسن… وتبقي قوة مروان محسن لما بينزل كبديل في الشوط التاني ويلعب كمهاجم صريح تاني.. وشفنا ازاي الاهلي استخدم الاسلوب ده وكسبه قدام الجونة مثلا…
الأهلي اليوم : ازارو لما بيكون هو المهاجم الصريح في البداية .. هنلاقي كم كبير من الفرص وتوافق سرعة بينه وبين الجناحات اللي بتلعب جنبه سواء جيرالدو او اجاييه او رمضان او حسين الشحات .. وبالتالي بنلاقي في الماتشات ديه كم كبير من الفرص الاهلي بيصنعها حتي ولو اتغلب فيها .. زي ما شفنا مثلا في مباراة بيراميدز.. الاهلي اتغلب صحيح لكن صنع كم هائل من الفرص كانت كفيلة بانها تطلعه متعادل علي اقل تقدير…
الأهلي اليوم : ازارو مهاجم ممتاز جدا في التحركات .. واللعب علي الاطراف .. والجري والسرعة بيستخدمهم بشكل كويس وبيخلق فرص لنفسه او لزمايله .. لكن لاعب مغرور ومهمل جدا في الFinishing.. وعشان كدة لازم الجهاز الفني يشتغل معاه كتير في النقطة ديه.