الأهلي اليوم : جروس مع الزمالك مش بيغامر كتير بلاعيبة ولو غامر مش بتظبط معاه لانه مبيعملش rotation كتير ونتيجة لكده لا يكون هناك تفاهم في الفريق لو عمل rotation وعمل كده في مباراة النجوم تقريبا لعب ب حميد احداد وعمر السعيد وخالد بوطيب مع بعض غير دخول ابراهيم حسن بجانب اوباما ده عمل لغبطة في أداء الزمالك بالذات نص الملعب الأهلي اليوم : جروس فشل في التدوير مع الزمالك الأهلي اليوم : اعتماده في بناء الهجمة على فرجاني ساسي واوباما امامه بيكون عن طريق اللعب للاطراف وتحرك الوينجات في ضهر المدافعين وبين الخطوط او ان لاعب زي اوباما او ايمن حفني (لو لعب) تحركاتهم من الخلف للامام في غياب الرقابة ، الجمل بتكون عبارة عن عرضيات غالبا بتكون على القائم البعيد او بتتمهد على القائم القريب وتخدع الدفاع ، او تسديدات من خارج المنطقة عن طريق اكتر من لاعب فرجاني (تسديداته قوية )او عبد الله جمعة او احمد زيزو واحيانا كمان محمود علاء او تمريرة بالعرض هنشوفها في حالة من الاطراف للعمق الأهلي اليوم : وينجات الزمالك عندهم سرعة ومهارة زي احمد زيزو وكهربا ، ابراهيم حسن تسديداته قوية لكن بعضها بيكون غير متقن لكن وجوده واعطائه مساحة للتسديد ده خطر سواء هو او باقي الوينجات ، مش بيدخلوا للعمق كتير بيكون اغلب اللعب على الاطراف والعمق ده للمهاجمين وللاعبين اللي بيتقدموا فرجاني او اوباما او احيانا الدفاع نقطة مساندة الدفاع تكاد تكون معدومة بالنسبة للوينجات الأهلي اليوم : خط وسط الزمالك مصدر قوته الأهلي اليوم : بو طيب وعمر السعيد بيتحركوا بين الخطوط بشكل جيد بدون كرة وبيستغلوا المساحات وكهربا كمان وهنوضح استغلال المساحات بالرغم ان معدلهم التهديفي بو طيب والسعيد قليل الا ان تحركاتهم فيها شيء من الخطورة لو متمش التعامل معاهم كويس ⊙اللاعب القادم من الخلف للامام وغالبا بيكون فرجاني او اوباما او في وجود ايمن حفني بيكون هو والكرة بتتلعب من الاطراف للعمق الأهلي اليوم : نص الملعب عندهم قوة فيه بوجود فرجاني وطارق وفرجاني بالاخص كمان هو يعتبر محرك الملعب بالرغم انه لوحده بدون طارق حامد نص الملعب بيكون فيه مساحات الا انه هجوميا كلمة السر لأي هجمة في الزمالك قارئ كويس للملعب وبيعرف يحرك اللاعيبة ازاي في الاتجاه اللي هو عاوزه وبيفتح ليهم مساحات غير تقدمه الهجومي من الخلف للامام وهروبه من الرقابة ، تحجيم دور او تحركات فرجاني ساسي في الملعب من أهم النقط اللي لازم يلعب عليها لاسارتي النهاردة امه يفرض سيطرته بالضغط من اول ثانية ويعمل رقابة على فرجاني (في التسديدات او ضربة حرة مباشرة فرجاني بيسدد في الزاوية الصعبة تحت العارضة بسنتيمترات قليلة ) الأهلي اليوم : ثغرات كبيرة في خط دفاع الزمالك الأهلي اليوم : جروس كتكتيك او لاعيبته كخط دفاع فحدث ولا حرج على الثغرات ، ثغرة بين قلبي الدفاع وهوضحها في حالة وديه من ضمن حالات كتير ، تحركاتهم فيها نوع من عدم التفاهم غير طبعا ال gap اللي بينهم وبين الباكات غير المساحات اللي في ضهر الباكات حتى لو رجعوا للتغطية ، المساجات بتظهر لان مفيش وينجات بتساند واحيانا مفيش نص ملعب بيساند على حدود المنطقة كمان المرتدة في دفاع الزمالك بنلاحظ تأخر عبد الله جمعة في التحول من الهجوم للدفاع والمساحات خلفه والمساحات خلف الباك اليمين ايضا الأهلي اليوم : عبد الله جمعة والنقاز دورهم الهجومي وعرضياتهم جيدة جدا وهجوميا افضل كتير من دورهم الدفاعي فبيطيروا في الهجوم ويسيبوا ضهرهم مكشوف ، وهجبلكم حالة لجون ايريك تراوري في مباراتهم مع براميدز هتوضح المساحة الموجودة والرقابة اللي مش موجودة ،لا ننسي دور محمود علاء وتحركه داخل المنطقة ده يكون عليه رقابة غير المهاجم لانه هداف الزمالك يعني اخطر من المهاجمين نفسهم مش تكبير فيه لكن الارقام بتقول كده ال gap بين قلب الدفاع والباكات برغم التفوق العددي الا ان مفيش انتشار جيد الأهلي اليوم : المطلوب من لاسارتي أمام الزمالك الأهلي اليوم : الضغط من أول دقيقة لان جون في اول المباراة هيفتحها وهيضغط الزمالك بشكل كبير هييجي عليك وقت هترجع للخلف لكن لازم يكون مدروس لازم تستفيد ساعتها بال second ball احسن استفادة لان خط دفاعهم زي ما وضحت من غير المرتدات وفيه مساحات وفي المرتدات المساحات كتير جدا الأهلي اليوم : من وجهة نظري نلعب 4-4-2 اللي هتتقلب 4-2-2-2 لما جربها لاسارتي قبل كده كان في توازن في الأداء إلى حد ما غير كده معلول اتحرك براحته والمساحة وراه كانت فيها تغطية ، لكن اتوقع هنلعب 4-2-3-1 مع دخول فتحي بجانب السولية وقدامهم ناصر ماهر ، فتحي قوي دفاعيا هيدي مساحة للسولية بالتقدم والسولية ضهره هيكون في تأمين غير كده هيغطي في حالة تقدم معلول او هاني للهجوم اللي لازم يكون محسوب لان خطورة الزمالك من الوينجات اكتر الأهلي اليوم : كتشكيل من وجهة نظري والمتوقع من لاسارتي يكون الشناوي ، معلول ، ياسر ، سعد ، هاني ، فتحي ، السولية ، رمضان ، ناصر ، جيرالدو ، مروان ( او ازارو) وكتغيير ممكن صلاح محسن هيستغل سرعته مع جيرالدو ، او ممكن اجاي ، مهاري ، امتياز في استلام الكرة ، غير كده تحركاته تربك اي دفاع وبيعمل مثلث مع رمضان ومعلول من مثلثات لاسارتي ومثلث ناجح جدا
