أخبار الأهلي : نصيحة ذهبية ليتألق حسين الشحات مع الأهلي .. وماذا يحتاج ليكرر نسخة العين

أخبار الأهلي : أزمة حسين الشحات في الأهلي حاليًا، الاستعجال والرغبة في البرهنة علي قيمته المادية العالية جدًا ، الشحات ديمًا مستعجل التهديف، وشاغل نفسه كتير بكلام الجمهور، وده طبيعي وبيحصل في الظروف المماثلة لحالته ومع الوقت بيدخل أكتر في الفريق وبتقل عملية الضغوط وبيزداد التركيز ووقتها هيرجع «الفينش» الطبيعي اللي عارفين الشحات به.
أخبار الأهلي : الشحات يمر بمرحلة صعبة في الأهلي
أخبار الأهلي : كم الفرص اللي أضاعها الشحات مؤخرًا، مستحيل يضيع لو لابس تي شيرت العين الإماراتي أو المقاصة.. وكمان كان بمقدوره يسجل أصعب منها ويخلق فرص تهديف من أنصاف وأرباع فرص ، ماذا يحتاج حسين الشحات ، حتي يستفيد الأهلي من امكانياته الحقيقة ،مفيش حد يختلف علي إن حالة الشحات نتاج ضعوط وعوامل نفسية، باستثناء واحد بس هو محمد يوسف
أخبار الأهلي : جوارديولا أهم مدرب في تاريخ كرة القدم بيشوف إن اللعبة هي بالأساس لعبة نفسية، وبيشتغل ع المحور ده كأهم العوامل من اليوم الأول له في عالم التدريب لحد انهاردة، وله فيديو في الأسابيع الأخيرة بعد الخسارة من نيوكاسل واتساع الفارق مع ليفربول ل 7نقاط، بيوضحلك أد ايه الراجل ده مؤمن جدًا بالعامل النفسي وبيعتبره أقوى أسلحة بقاءه علي القمة دائمًا، وغيره كتير من المدربين العباقرة والناجحين بيشتغلوا ع نفس المحور.
أخبار الأهلي : الشحات يحتاج لتعامل خاص
أخبار الأهلي : الشحات محتاج مدرب بيعتبر علم النفس مادة علمية، مش مدعاة للضحك والسخرية ، محتاج حد يقلل الضغوط اللي عليه، محتاج حد ينسيه تمامًا إنه ب 150 مليون وإنه مطالب بالتسجيل في كل مباراة، وإن المنتظر منه غير المنتظر من الجمي ،محتاج مدرب يقنعه إنه مجرد فرد في منظومة جماعية، والمطلوب منه أن يقوم بخدمة الجماعة بصرف النظر عن التسجيل والأرقام الفردية.
أخبار الأهلي : محتاج مدرب يرسخ قناعة ثابتة عنده بأن مكاسب الفريق وتحقيقه للبطولات هتعود بالنهاية علي مستواه وعلي أرقامه الفردية مش العكس ، حسين لو وصلتله القناعات دي ولعب السهل الممتنع، ومنشغلش بالتسجيل هيخدم الفريق أكتر جماعيًا، وهيلاقي نفسه في مواقف سهلة أمام المرمى، وهترتفع معدلات تركيزه أمام المرمى وبالتالي التسجيل، وفي مرحلة من المراحل هيوصل لقمة النضج والإبداع.. فياريت يكون لاساراتي بيفكر بطريقة مختلفة عن الحج محمد يوسف.