خاص نصيحة مصر للمنتخب قبل مباراة الكونغو

"هناك دائما في الحياة ضغوط علينا لكن ضغط الوصول لكأس العالم يعتبر الأصعب والأقوى". كانت تلك كلمات هيكتور كوبر قبل مواجهة الكونغو والآن اقتربت ساعة الحسم، المواجهة المصيرية التي تجمع مصر والكونغو في خامس جولات التصفيات المؤهلة لكأس العالم تقام بعد 7 ساعات.
ماذا قال كوبر للاعبيه؟ هل هناك كلمات تحفيزية؟ كيف سيلعب منتخب مصر ضد الكونغو في مواجهة حاسمة لتاريخه؟
تلعب مصر بصوت 104.2 مليون مواطن على أمل الوصول لبطولة كأس العالم للمرة الأولى منذ 28 عاما والوصول إلى ما استعصى علينا طيلة الوقت. فماذا تقول الجماهير للاعبيها قبل المواجهة المرتقبة؟
قدم لكم FilGoal.com لعبته التفاعلية "الكوتش" وفيها يكون المشجع هو مدرب منتخب مصر ويوجه نصائحه للاعبي المنتخب قبل اللقاء. (بإمكانك أن تلعب هنا)
واختار لكم FilGoal.com أبرز النصائح للاعبي منتخب مصر
عصام الحضري
قال له محمد فرج :"يا حضري أملنا فيك".
وطلب منه إسلام محفوظ :"شد حيلك يا حضري حلمك قرب يتحقق ودوس على نفسك عشان نوصل بإذن الله".
وذكره محمود كمال بحلمه قائلا :"افتكر ضد الكونغو إيه اللي مخليك واقف على رجلك لغاية دلوقتي، افتكر حلمك".
ووجه شريف الشريف نصيحة إلى الحضري قائلا :"يجب أن تكون لديك الروح القوية ويجب أن تشجع جميع اللاعبين بهذه الروح".
وقال له محمود :"أنت الخبرة لازم توجه لاعيبتك لإن الملعب كله مفتوح قدام عينيك".
وكتب إيهاب هاني :"صوتك يجب أن يكون عاليا وطلع المدافعين قدامك واضبط نفسك في الكرات العرضية".
أحمد حجازي
قال له أحمد عاطف عبد النبي :"بويول الكرة المصرية، جول منك كده زي ما سجلت مع وست بروميتش يا حجازي".
وكتب له عبده المصري :"أنت الوحش اللي في الملعب، أنت الدفاع، أنت ثقة المهاجمين، في الدفاع كله لازم تركز بحيث إنه ميكنش في أخطاء إن شاء الله، وتطلع فتحي وعاشور وتريزيجيه وتهاجم في المرتدات اللي هنعملها ولما الكرة تتقطع مننا بعد الشر لازم تكون أول واحد يرجع".
ووجه له محمد رسالة قائلا :"بحبك يا حجازي، الكرات العرضية استقتل عليها بدون ما ترتكب أخطاء مفيش حاجة اسمها الكورة تفوت منك وتروح للي وراك".
وكتب له إبراهيم :"ادخل بغشم شوية ياسطى في العرضيات لنا وخد بالك من ترناتك".
محمد عبد الشافي
كتب له إيجبشيان ميلانو :" ابوس ايدك ي كابتن خلي بالك من الجبهة بتاعتك وحاول تضغط وتقطع كور ربنا معااك".
وقال له أحمد كرم :"بقول لكابتن شيفو لازم تكون داعم قوي للهجوم باستخدام سلاح العرضيات ومننساش ان معنا الغزال اللي بيحب يلعب براسه وتكون متقنة ".
ووجه خليل رسالة له قائلا:"محتاج تزيد هجوميا كتير تبدا تضغط علي الوينج بتاعك من بدري و متخليهوش يقرب من 18 بتاعانا".
علي جبر
وجه له محمد خالد يوسف عبده رسالة قائلا:"بلاش سرحان واضغط ومترجعشي لورراء لو عدا منك الاوله مش هيعدي التانيه ولا التالته خد ثقه بنفسك".
وقال له محمد جابر :"العب زى ماتش المغرب فى كأس الامم ونفس الروح والعزيمه".
وكتب له حمزة :"ركز في العرضيات علينا وعليهم".
أحمد فتحي
كتب له عبد الله :"لا غبار عليك في شئ لكن ارجو منك الحذر والتركيز في العرضيات ابوس ايدك".
وقال له أسامة حجازي :"في البداية تضغط من قدام وتحاول تضغط من بعد خط الوسط وعلى جبر يغطيك".
ونصحه عادل :"الضغط والانتظام في الزياده الهجوميه".
طارق حامد
نصحه محمد قائلا :"خلي الكوره وقت الاستلام دايما قريبه منك وقبل ما توصلك الكوره من الزميل لازم عينك تلمح جوانب الملعب كلها عشان مش تتفاجأ بحد جنبك وانت بتستلم والكوره الطويلة لصلاح ياريت تخليها من ورا المدافع مش من فوقه".
وكتب له إبراهيم :"عاوزين طارق بتاع النجم الساحلى وياريت ماتسيبش قوس ال18عشان القادمون من الخلف اتهرينا منها فالزمالك وملكش دعوة بصلاح بلاش الطويل وحياة عيالك".
محمد النني
قال له هادي :"عارف لو كل مبارياتك لعبتها زي مباراه تشيلسي وارسنال في المباراه الخيريه محدش هاينساك ستحفر في ذاكره المصريين اسما لك".
وكتب له إبراهيم :"ماتشوط بقا ياسطى ووبص على أبو صلاح شويه".
ونصحه حامد عماد :"شوط يا نني شوط كتير وقرب للجول".
وقال له محمود :"دورك الحيوي في وسط الملعب مع طارق مطلوب كالعادة والتمرير الطولي مهم اوى ياننى وانت مميز فيها وايضا امداد صلاح وعمرو الفرص ومحاولة التسديد علي المرمي".
محمد صلاح
قال له محمود ناصر :"انت الامل في العيون .. الفينش ثم الفينش ثم الفينش".
وكتب له جورج جيد :"وحياة ابوكم متلعبوش علي الدفاع بس هاجمو".
وكتب محمد ربيع :"صلاح انت برنس والفنش بتاعك عالي جداا .. بس الفكرة انك مبتجدش تحركاتك وانت خصوصا في منطقة الجزء .. متعتمدش ع سرعتك بس .. حاول تشوط من برة 18 بشمالك في السوكه هناك يا صلاح .. مش كله جري جري :D :D انت برنس وربنا يوفقك".
ونصحه إيهاب ملاطي :"كن كالفراري او اللامبرجيني ... صعود منتخب مصر لكأس العالم سيكون افضل وقت مناسب بالنسبة لك وانت في ال 25 من العمر .. لا نريد الأنتظار لأربع سنين اخري... صعودك مع المنتخب سيكون له انطباع خاص بالنسبه لك ومع الأعلام الغربي!".
محمود تريزيجيه
كتب له محمد سامي :"الضغط على الخصم من نصف ملعبهم ولا نعطي لهم الفرصة لنقل الكوره".
وأضاف ياسر :"مش محتاج اقول غير انك لازم تبقى اساسي انت وكهربا.. والله هتعملو شغل جااااامد".
صالح جمعة
كتب له ناجي محمد :"يارب تلعب وتمتعنا".
وقال له حسام ثابت البسيوني :"أمل مصر كلها فيك انت كلمة السر صدقني".
ووجه له إسلام سلامة النصيحة قائلا :"متحولش ترقص كتير ومرر اكتر . حاول تركز على قلب الملعب مش مطلوب منك اهداف المطلوب تصنع اهداف انت حلقة الربط بين الوسط والهجوم فحاول ان تحافظ على ايقاع اللعب حسب مجريات المباراة وزع مجهودك كويس على فترات المباراة مركزك محتاج نفس طويل".
عمرو جمال
كتب له جيكا :"اقسم بالله احسن مهاجم في مصر ربنا يوفقك".
وقال له محمد مجدي :"ابوس أيدك ركز وألعب حلو".
ونصحه محمد خالد :"أهدى كدا في العب و اضغط من قدام علي المدافعين و اقعد اخبط فيهم و اطلعلهم زى الخازوق".
رمضان صبحي
كتب له طه :"بطل تقف بالكوره لما يكون قدامك مساحه استغلها وروح".
وقال له مصطفى صبحي :"اقف ع الكورة وربنا مهاراتك باصي ل صلاح و تريزيجيه اقف ع الكورة".
محمود كهربا
قال له ياسر :"والله انت بترقص حلو وبتجيب جوال ولا احلى بس خلي عندك ثقه واطلع ع اي حد ورقصه انت رووعه في الترقيص يا رييت تنزل اسااسي".
وكتب له أحمد عباس :"عايزين جول زي اللي جيبته في النصر في نهائي كاس ولي العهد".
شريف إكرامي
كتب له محمد جمال :"أتمنى لو لغبت تكون ثابت و ما تتهزش".
وقال له حسام حسن :"إنت تمام بس الكورة متزفلطش منك".
أنت أيضا بإمكانك أن تكون "الكوتش" وتوجه نصائحك للاعبي منتخب مصر قبل المواجهة المصيرية من هنا.
اقرأ أيضا
عامر حسين للجمهور: الحكم شدد على إيقاف المباراة بسبب الليزر.. ومزايا جديدة في برج العرب
"إنني أرجو مع اليوم غدا".. كاس العالم كاس العالم
يا بشرى.. في مثل هذا اليوم قطعنا نصف الطريق نحو إيطاليا 90
مباشر طريق المونديال - مصر ضد الكونغو من أجل كأس العالم
كيف تشاهد مباراة العمر بين مصر والكونغو
قبل الجولات الحاسمة في تصفيات المونديال.. تعرف على كل قواعد التأهل