حمدي نصر يكتب : مسجات (10) إلى

- ياليلة بيضة ياجدعان .. عودتك للزملكاوية عيد.. ربنا يكفيك شر القضايا وكثرة الوعد والوعيد والمنظرة والتهديد..والناس اللي اتعبوا الزمالك بالعناد والخصام.. وضرب غيرهم تحت الحزام.. خلينا نشوف منافسة في الملعب مش بالكلام.
* شيكابالا
- الخبر قال انك تخطط مع ميدو ضد شحاته ومنع عودة ياسر المحمدي..ياللا لتبرئ ساحتك اثبت عمليا ان كلام "المسا" لما ييجي عليه النهار بيسيحو وبيطلع مش صحيح.
* ميدو
- "قررت تكتب مذكراتك لأنه مافيش لاعب زيك في العالم".. كلامك صح مفيش لاعب في العالم تعاقد معه نادية عشان قعدته تطول موسم كامل على دكة البدلاء.وبعد موسم كامل جاي دلوقتي تشفط الدهون لكن صبر الزمالك كله عشان عيونك يهون ؟!!
* عمرو زكي
- هي كانت ناقصة مشاكلك ياراجل؟!!.. عباس رجع.. ارجع وخليك زكي.
* القنوات الفاضية الفضائية سابقا
- ارحموا مصر من محلات الجزارة واسمها الحركي:" ستوديوهات التحليل"
* بلجيكا
- طلبات اللجوء الكروي زادت حسين ياسر وحازم إمام وما خفي أعظم لأن اللستة مليانة. (اعملوا نادي مخصوص للهاربين المصريين واراهنكوا انه حيفوز ببطولة أوروبا خلال سنتين .
* المجلس القومي للرياضة.
- مطلوب رأفت هجان رياضي يكشف اللي بيحصل في بلجيكا قبل الفاس ماتوقع في راس باقي الألعاب وماتفضلش عندنا إلا الكورة الشراب.
* جوزيه
طلبت دعم الفريق في شهر يناير.. ..رفضت النيجيري وتختبر كرواتي. على الله مايكروتناش زي جونيور
* قطاع غزة
- عندكوا روابط لتشجيع المنتخب المصري والأهلي والزمالك ..عقبال يارب ماتشكلواروابط مع الضفة الغربية لتشجيع الوحدة الوطنية.
* اتحاد جدة
- دا كلام ؟!!.. "خطفتوا" زيدان من الأهلي.. بكرة تدفعوا فدية لإطلاق سراحه!! ( من حفر حفرة لمنافسه وقع فيها).
*جمهور القراء الأعزاء
- إذا وجدتم اسم عمرو زكي مكتوب كده (عمروذكي) فمن غير ماتدوروا على اسم الموقع وتتعبوا نفسكوا اعرفوا فوراً انه (زمالك فانز) مباشرة.